Aýa raıy
Astana -18 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistanda balalar men jasóspirimder týrızmin damytý jobasy júzege asyrylýda

2020 jyldyń 26 qarasha 2020 03:30

TÚRKІSTAN. QazAqparat – Túrkistanda balalar men jasóspirimder týrızmin damytý maqsatynda «Tiri sabaqtar» jobasy júzege asyrylýda. Aýqymy keń joba sáýir aıynda «Atameken» UKP men «Kazakh Tourism «UK» AQ arasynda týrızmdi damytý jónindegi jol kartasy aıasynda qolǵa alynǵan bolatyn, dep habarlaıdy QazAqparat tilshisi.

Atalǵan joba mektep baǵdarlamalaryn vızýalızatsııalaý arqyly mektepten tys jerlerde ekskýrsııalyq sabaqtar ótkizý arqyly týrızmge degen qyzyǵýshylyǵyn arttyrý maqsatynda júzege asyrylýda. Negizinen pılottyq joba aǵymdaǵy jyly Nur-Sultan qalasy men Jambyl oblysynda júzege asyryldy. Jobany iske asyrýdyń birinshi kezeńinde pılottyq joba úshin ekskýrsııa ádistemesi men baǵdarlamasy ázirlengen. Sondaı-aq, mektep pánderi men sabaq taqyryptary anyqtalǵan. Al, Túrkistan oblysynda ekskýrsııa ótkizý úshin tarıh páninen (6-synyp) «Túrkistan-XII-XV ǵasyrlardaǵy Qazaqstannyń rýhanı jáne materıaldyq mádenıetiniń ortalyǵy» taqyryby tańdalǵan. Ekskýrsııalyq sabaq oblys ortalyǵyndaǵy tarıhı-mádenı jáne arhıtektýralyq eskertkishter shoǵyrlanǵan «Áziret-Sultan» memlekettik tarıhı-mádenı qoryq-mýzeıi aýmaǵynda ótkizilgen.

Oblystyq týrızm basqarmasy uıymdastyrǵan sharaǵa Kentaý qalasy men Otyrar aýdanynan kelgen 100-ge jýyq oqýshy qatysty. Jas urpaqty patrıottyqqa tárbıeleýdi kózdeıtin tanymdyq saıahat bilimgerlerdiń týǵan eldiń kórikti jerleri týraly málimetterge qanyǵyp, bilimderin keńeıtýge mol múmkindik syılady.

Avtor Aınur Aqbaeva
Basty sózder: Túrkistan oblysy, Týrızm,
Joǵary qaraı