Aýa raıy
Astana -2 °S
Almaty -1 °S
valıýta baǵamy
USD 389.75
EUR 434.26
RUB 6.12
CNY 55.05

Túrkistanda densaýlyq festıvali ótti

2019 jyldyń 18 qyrkúıek 2019 19:33

TÚRKІSTAN. QazAqparat – Túrkistan qalasynda keń aýqymdy densaýlyq festıvali ótti, dep habarlaıdy QazAqparat tilshisi.

«Densaýlyq» memlekettik baǵdarlamasyn iske asyrý maqsatynda ótken sharaǵa oblys ortalyǵyndaǵy balabaqshalar men mektepter, orta jáne joǵarǵy oqý oryndary, basqa da jumys oryndarynda eńbet etetin azamattar qatysty. Al, qala turǵyndary jańa Arbatta jınalyp, jappaı 10 mınýttyq jattyǵý jasady.

Budan bólek, medıtsına uıymdarynyń mamandary jańa tehnologııany paıdalana otyryp, medıtsınalyq qyzmet kórsetti. Turǵyndardyń aqyl-keńes alyp, barlyq medıtsınalyq tekserýden ótýine múmkindik berildi.








Sonymen qatar, Túrkistan oblystyq Qazaqstan halqy Assambleıasynyń uıymdastyrýymen oblystyq etnomádenı birlestikterdiń «Qazaqtaný» jobasy aıasynda «Qazaq dastarhany» ulttyq taǵamdar kórmesi usynylyp, qala jurtshylyǵyna jáne qonaqtarǵa túrli taǵamdar taratyldy.

Túrkistandyqtarǵa alǵashqy medıtsınalyq kómek túrin kórsetý boıynsha sheberlik sabaqtary kórsetildi. Festıval aıasynda mádenı-sporttyq baǵdarlamalar uıymdastyrylyp, onyń sońy túrli is-sharalarǵa ulasty. «Parasat» saıabaǵynan jańa Arbatqa deıin velosıped tebýshiler júrip ótse, odan bólek, mektep oqýshylarynyń salaýatty ómir salty boıynsha sýret kórmesi ótti. Azamattarǵa durys tamaqtaný boıynsha aqyl-keńes berilip, sheberlik sabaqtary uıymdastyryldy.











Joǵary qaraı