Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Túrkistanda detektıv shyǵarmalar baıqaýynyń jeńimpazdary marapattaldy

2021 jyldyń 24 jeltoqsan 2021 20:18

TÚRKІSTAN. QazAqparat - Túrkistan oblysynda detektıv shyǵarmalar baıqaýynyń jeńimpazdary marapattaldy. Baıqaýǵa eki tilde júzden astam shyǵarma túsken bolatyn, dep habarlaıdy QazAqparat tilshisi.

Bıyl tórtinshi jyl qatarynan uıymdastyrylyp otyrǵan shara el Táýelsizdiginiń 30 jyldyǵy jáne Jeltoqsan oqıǵasynyń 35 jyldyǵymen tuspa tus kelip otyr.

Qazaq prozasynyń kenjelep qalǵan janryn jandandyrý maqsatynda ótkizilgen baıqaýdy «Zań» medıa-korporatsııasy» JShS uıymdastyrdy.

Ádilqazylardyń sheshimimen júldeli oryndar úzdik shyǵarmalardyń ıelerine berildi.

Túrkistan oblystyq sotynyń tóraǵasy Turysbek Myıatbekovtyń arnaıy eki júldesi Kósemáli Sáttibaıuly men Álııa Baıbatyrovaǵa tapsyryldy.

Al, Jýrnalıster odaǵy Túrkistan oblystyq fılıalynyń arnaıy júldesin Alpysbaı Ábdiluly ıelendi.

Yntalandyrý syılyqtaryn Dıdar Amantaı, Qabyl Dúısenbı, Zaman Tóleýov pen Aıjan Slıambaeva jeńip aldy.

Úshinshi orynǵa Marııam Ábsattar men Jadyra Shamuratova, Erbol Beıilhan laıyq dep tanyldy.

Ekinshi oryn Nazıra Ǵızatqyzy men Ámirbek Shaımaǵambetovqa buıyrdy.

Birinshi oryndy Abaı Aımaǵambet jeńip alsa, bas júlde Nurlybek Samatulyna tapsyryldy.




















Joǵary qaraı