Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistanda «Elbasy – elimniń tiregi» atty merekelik shara ótti

2021 jyldyń 30 qarasha 2021 16:11

TÚRKІSTAN. QazAqparat - Búgin Túrkistanda Qazaqstan Respýblıkasynyń Tuńǵysh Prezıdenti kúnine arnalǵan «Elbasy – elimniń tiregi» atty merekelik is-shara ótti. Aldymen kópshilikke «Elbasy jáne Uly dala murasy» atty kórme uıymdastyryldy, dep habarlaıdy QazAqparat tilshisi.

Kórmede Tuńǵysh Prezıdenttiń qyzmet joly, Túrkistanǵa kelgen issaparlary, shetel basshylarymen kezdesýinen sýretter usynylǵan.

«Farab» kitaphanasynda ótken saltanatty jıynda LED ekran arqyly Elbasy Nursultan Nazarbaevtyń «Eldiktiń jeti tuǵyry» atty qaǵıdaty týraly derekti týyndy kórsetildi. Túrkistan oblysy ákiminiń orynbasary Rashıd Aıýpov jurtshylyqty merekemen quttyqtady.

«Bıyl Táýelsizdik alǵanymyzǵa 30 jyl tolyp otyr. Memleketimizdi damytýda Elbasymyzdyń eńbegi eren. Qasymyzda alpaýyt derjavalar tur. Solarmen kelisip elimizdiń shekarasyn bekitý degen úlken jumys. Táýelsizdiktiń arqasynda tilimiz, dinimiz, mádenıetimiz tuǵyryna qondy. Táýelsizdikti jarııalaýmen másele sheshilmeıdi. Ony saqtaý qajet. Álemde 5 myńdaı til, ıaǵnı, 5 myń ult bar. Solardyń nebári 200-den astamynda ǵana memeket bar. Sondyqtan turaqtylyqty saqtaýda, eldiń qaýipsizdigin qamtamasyz etýdegi Elbasy eńbegi aıtylýy tıis. Tuńǵysh Prezıdenttiń tikeleı qoldaýymen Túrkistanymyz qalaı ózgergenin qoǵam kórip-bilip otyr», – dedi Rashıd Aıýpov.




Oblys ákiminiń orynbasary sondaı-aq, eńbegimen daralanǵan bir top azamatty aımaq basshysynyń alǵys hatymen marapattady.

Olardyń arasynda medıtsına, memlekettik qyzmet, quqyq qorǵaý, sport, kásipkerlik jáne ózge de salalardyń ókilderi bar.

Jıynda Túrkistan oblystyq aqsaqaldar alqasynyń tóraǵasy Jarylqasyn Áziretbergenov quttyqtaý sóz sóılep, Elbasynyń táýelsizdigimizdi nyǵaıtý baǵytyndaǵy eńbekteri týraly baıandady.




Kentaý qalasyndaǵy №16 ıÝ.Gagarın atyndaǵy mektebiniń aǵylshyn tili muǵalimi Elena Strebkova da bul kúnniń mańyzyna toqtalyp, memlekettik til - eldi biriktirýshi kúsh ekenin atap ótti.

Merekelik is-sharada Túrkistan oblysynyń tanymal ánshileri men óner ujymdary kontserttik baǵdarlamasyn usynyp, otanshyldyqty dáripteıtin ánder shyrqaldy.


























Joǵary qaraı