Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistanda Elbasyna eskertkish ornatý kerek – Bılal Chakydjı

2021 jyldyń 25 mamyr 2021 11:51

NUR-SULTAN. QazAqparat – Túrkistanda Elbasy N.Nazarbaevqa eskertkish ornatý týraly pikir aıtyldy. Bul bastamany TÚRІKSOI-dyń Bas hatshysy Bılal Chakydjı «Túrkistan – Túrki áleminiń rýhanı astanasy: áriptestik ıntegratsııasy men keleshegi» atty halyqaralyq onlaın-konferentsııada kóterdi.

Konferentsııanyń moderatory H.A. ıAsaýı atyndaǵy Halyqaralyq qazaq-túrik ýnıversıtetiniń vıtse-prezıdenti Jengız Tomar boldy.

«Qazaqstannyń Tuńǵysh Prezıdenti túrki elderiniń tutastyǵynyń nyǵaıýy men damýyna úlken úles qosty. Osydan úsh jyl buryn Nursultan Ábishulynyń tarıhı Jarlyǵymen Túrkistan oblysy quryldy, Túrkistan qalasy oblys ortalyǵyna aınaldy. Ult kóshbasshysynyń erekshe Jarlyǵy tek qana Qazaqstan úshin emes, sonymen qatar barlyq túrki álemi úshin tarıhı oqıǵa boldy. Osy kezden bastap qala erekshe qarqynmen damyp keledi. Úsh jyldyń ishinde Túrkistan tek qana túrki álemine emes, tysqary jerlerde de tanylyp úlgerdi. Ejelgi qala óziniń tarıhı sıpatyn saqtaı otyryp, zamanyna saı damı bastady. Joǵaryda atalǵandarmen baılanysty Túrki áleminiń rýhanı astanasy Túrkistannyń ortalyǵynda qalanyń qaıta jandanýyna sebep bolǵan, sonymen qatar túrki yqpaldastyǵy ıdeıasyn júzege asyrýǵa baǵa jetpes úles qosqan Nursultan Ábishuly Nazarbaevqa eskertkish ornatýǵa shaqyramyn. Bul úshin kóptegen negiz bar. Bul oı Memleket basshysy bola otyryp, túrki elderiniń birigýine yqpal etken, qazaq halqynyń gúldenýi men tynyshtyǵyna, onyń táýelsizdigine umtylǵan Túrki áleminiń danyshpan aqsaqalyna degen erekshe qurmetten týyp otyr. Men barlyq sanaly azamattardyń bul bastamany qoldaıtynyna senimdimin», - dedi Bılal Chakydjı.

Konferentsııa qatysýshylary sheteldik ǵalymnyń usynysyn biraýyzdan qoldady. Sonymen qatar Elbasynyń túrki áleminiń damýyna qosqan erekshe úlesine alǵysyn bildirdi.

Onlaın-kezdesýge Túrkitildes memleketter yntymaqtastyǵy keńesiniń (Túrki keńesi) bas hatshysy Baǵdad Ámreev, Túrkitildes elderdiń Parlamenttik Assambleıasynyń bas hatshysy (TúrkPA) Álı Iyldyz, Halyqaralyq túrki akademııasynyń Prezıdenti Darhan Qydyráli, TÚRІKSOI-dyń bas hatshysy Bılal Chakydjı, Nur Otan partııasynyń hatshysy Arman Qyryqbaev, H.A. ıAssaýı atyndaǵy Halyqaralyq qazaq-túrik ýnıversıtetiniń Ókiletti keńesiniń tóraǵasy, doktor, professor Mýhıttın Shımshek, Tatarstan Respýblıkasynyń eks-prezıdenti Mıntımer Shaımıev, Bashqurtstan Respýblıkasynyń eks-prezıdenti Murtaza Rahımov, Qazaqstan Respýblıkasy Parlamenti Májilisiniń depýtaty Darhan Myńbaı, Nazarbaev Ýnıversıtetiniń professory ıÝlaı Shamılogly qatysty.

Eske sala keteıik, onlaın-kezdesýdiń negizgi maqsaty – osy jyldyń 31 mamyrynda ótken Túrkitildes memleketter yntymaqtastyǵy keńesiniń beıresmı sammıtinde Túrkistan qalasyn túrki áleminiń rýhanı astanasy etip jarııalaýmen baılanysty mańyzdy sheshimderdi júzege asyrý.








Basty sózder: Halyqaralyq uıymdar, Túrki elderi,
Joǵary qaraı