Aýa raıy
Astana -18 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistanda epıdemıologtar COVID-19-ǵa qarsy kúres jumystaryn kúsheıtýde

2020 jyldyń 22 qarasha 2020 16:18

TÚRKІSTAN.QazAqparat – Túrkistan oblysyndaǵy Ordabasy, Báıdibek jáne Otyrar aýdandyq sanıtarlyq epıdemıologııalyq baqylaý basqarmalarynyń mamandary men aýdandyq aýrýhana qyzmetkerleri koronavırýs ınfektsııasyna qarsy kúres jumystaryn odan ári kúsheıtý ústinde. Infektsııanyń taralýyna jol bermeý maqsatynda epıdemıologtar men ınfektsıonıst dárigerler Zoom baǵdarlamasy arqyly ózekti suraqtaryna jaýap alyp, ózara tájirıbe almasýda, dep habarlaıdy QazAqparat tilshisi.

Oblystyq sanıtarııalyq-epıdemıologııalyq baqylaý departamentiniń málimetinshe, mundaı sharalar barlyq aýdandarda jalǵasyn tabady. Óńirde medbıkeler úshin de «Covid-19 ınfektsııasyna shaldyqqan naýqastarǵa meıirbıkelik kómek» taqyrybynda arnaıy oqý-sabaqtary ótkizilgen.

Onlaın rejımindegi semınarlarǵa túrli beıindegi 200-ge jýyq orta medıtsınalyq qyzmetkerler qatysqan. Oqytý barysynda dáriskerler emdik sharalary, ınfektsııalyq qaýipsizdik máseleleri, onyń ishinde bıoqaýipsizdik, orta medıtsınalyq personal deńgeıinde ınfektsııalyq baqylaýdy júrgizýdi qamtamasyz etý máselelerin qamtyǵan.

Jalpy, óńirdegi ınfektsııalyq statsıonarlarda 7 azamat koronavırýs ınfektsııasynan jáne 27 adam vırýsty pnevmonııadan em qabyldaýda.

Al, pandemııa bastalǵaly COVID-19 rastalǵan 3449 naýqas boıynsha 2668 oshaq anyqtalyp, barlyǵynda dezınfektsııalyq, epıdemııaǵa qarsy is-sharalar júrgizilgen. Naýqastardyń 3372-i ıaǵnı, 98/1 % jazylyp shyqqan.









Joǵary qaraı