Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistanda fýtboldan Sýperkýbok oıyndary ótip jatyr

2021 jyldyń 3 naýryz 2021 20:30

TÚRKІSTAN. QazAqparat - Túrkistan qalasyndaǵy «Turkistan Arena» stadıonynda fýtboldan OLIMPBET-Qazaqstan chempıonatynyń Sýperkýbok oıyndary ótýde. Jarysta kúsheıtilgen sanıtarııalyq-dezınfektsııalyq rejım saqtalǵan, dep habarlaıdy QazAqparat tilshisi.

Búgin fýtboldan Qazaqstannyń Sýperkýbogy básekesiniń saltanatty ashylý rásimi ótti. Jıynǵa arnaıy qatysqan Túrkistan oblysy ákimi Ómirzaq Shókeev pen Qazaqstan fýtbol federatsııasynyń prezıdenti Ádilbek Jaqsybekov jarystyń ashylýy men barsha qonaqtardy jáne fýtbolshylardy quttyqtap, sáttilik tiledi.

«Jańadan salynǵan «Turkistan Arena» alańynda alǵash ret osyndaı iri oıyn ótýde. Biz úshin bul úlken mártebe. Túrkistan oblysynyń namysyn baıraqty básekede qorǵaıtyn «Turan» komandasy jasaqtaldy. Jergilikti úzdik fýtbolshylardan quralǵan komanda jasyl alańda jeńiske jetetinine kámil senemin. Oblysta jasóspirimderdi osy sport túrine kásibı túrde baýlıtyn fýtbol mektebi jumys jasaýda. Qurmetti komandalar, bıylǵy Sýperkýbok oıyndarynyń Ulystyń uly kúni Naýryz merekesimen qatar kelýi Túrkistan qalasynyń tórinde óner kórsetýi úlken jaýapkershilikti talap etedi. Túrki jurty kóz tikken qasıetti shaharǵa basqan qadamdaryńyz qut bolsyn», – dedi oblys ákimi óz sózinde.

Kúni keshe elordanyń «Astana» fýtbol klýby men Qaraǵandynyń «Shahter» komandasy aqtyq synǵa joldama úshin talasqan bolatyn.

Nátıjesinde astanalyqtar 2:0 esebimen jeńiske jetip, sýperkýbok fınalyna joldama alǵan.

Búginde jasyl alańda almatylyq «Qaırat» pen qostanaılyq «Tobyl» kezdesip, tartysty oıyn ótkizdi.

Oıynnyń negizgi ýaqytynda oıyn 3:3 esebimen teń aıaqtalǵan. Penaltı serııasynda qostanaılyq «Tobyl» komandasynyń joly bolyp, 4:2 esebimen jeńiske jetken.

Esterińizge sala ketsek, 5 naýryz kúni úshinshi oryn úshin Qaraǵandynyń «Shahteri» men Almatynyń «Qaırat» komandasy talasady.

Al, 6 naýryz kúni Sýperkýbok úshin aqtyq básekede elordalyq «Astana» komandasy men Qostanaıdyń «Tobyly» tartysqa toly oıyndy ótkizetin bolady.

Barlyq matchtar kórermendersiz ótedi.

Týrnırdiń júlde qory - 42 mln teńge.

Týrnır jeńimpazy 25 mln teńgege ıe bolady. Bul kezdesýlerge jankúıerler kirgizilmeıdi.


Avtor Aınur Aqbaeva
Basty sózder: Sport, Túrkistan oblysy,
Joǵary qaraı