Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Túrkistanda jańa týǵan sábıge eki kún boıy ota jasaldy

2022 jyldyń 19 mamyr 2022 19:08

TÚRKІSTAN. QazAqparat - Túrkistan oblysyndaǵy neonatologtar men balalar hırýrgtary asqazanynan qan ketip týǵan náresteni qutqaryp qaldy. Kishkentaı Ramazanǵa jaryq dúnıege kelgen sátten bastap eki kún boıy ota jasaldy, dep habarlaıdy QazAqparat tilshisi.

Qazyǵurt aýdanynyń 23 jastaǵy turǵyny Sáýle Kúmisbektiń alǵashqy júktiligi asqynýmen ótken.

Sondyqtan júkti kelinshek bosaný kezinde qatty qınalypty. Saldarynan sábı gıpoksııamen dúnıege keldi.

Ekinshi kúni kenetten onyń asqazanynan qan kete bastaǵan. Gemoglobıni de óte qatty tómendep ketipti.

№1 oblystyq perınataldyq ortalyǵy men oblystyq balalar klınıkalyq aýrýhanasynyń bas dárigerleri birden perzenthanada ota jasaýǵa sheshim qabyldady.

«Asqazannyń ıdıopatııalyq jarylýy — jańa tý ǵan nárestelerde sırek kezdesetin hırýrgııalyq aýrý. Kenetten paıda bolady. Balany tasymaldaý óte qaýipti boldy. Oblystyq klınıkalyq balalar aýrýhanasy bas dárigeriniń orynbasary, shtattan tys balalar hırýrgy S.Sarybaı jáne anestezıolog-reanımatolog E.Rahımov perınataldyq ortalyqqa shuǵyl kelip, ota jasaý bólmesinde naýqas sábıge kómek qolyn sozdy», - deıdi hırýrg Sultanǵalı Sarybaev.

Naýqasqa mindetti áleýmettik medıtsınalyq saqtandyrý aıasynda ota jasaldy. Qazirgi tańda Ramazan salmaq jınap, anasy ekeýi aýrýhanadan shyqty.








Joǵary qaraı