Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistandaǵy ekobazarda mobıldi qosymshanyń kómegimen saýda jasaýǵa bolady

2021 jyldyń 14 qyrkúıek 2021 22:59

TÚRKІSTAN. QazAqparat - Túrkistan qalasynda salynǵan jańa ekobazarda mobıldi qosymshanyń kómegimen saýda jasaýǵa bolady. Bul týraly QazAqparat ákimdiktiń baspasóz qyzmetine silteme jasap habarlaıdy.

Jańa júıege jaqyn kúnderi iske qosylady. Munda Túrkistan oblysy men basqa da oblys, qalalardyń dıqandary óz ónimderin taıaýda ashylatyn zamanaýı ekobazarda saýdalaı alady.

Fermerler bazary 14 ga jerde ornalasqan. Munda 900 saýda orny bar.







Túrkistan oblysynyń ákimi Ómirzaq Shókeev osy ekobazarda bolyp, jaı-kúıimen tanysty. Bazar basshylyǵy men osy salaǵa jaýapty ókilderge dıqandar úshin qajetti jaǵdaıdy jasaý jóninde tapsyrma berdi. Bul jabyq bazar barlyq azyq-túlik taýarlary kóterme baǵamen satylatyn eń iri saýda ortalyǵyna aınalmaq.




Osy kúni oblys ákimi shaharda qurylysy qarqyn alǵan birqatar nysandardy aralap, qurylysshylarmen júzdesti. Merdiger kompanııa basshylarymen de kezdesip, jumysty jaýapkershilikpen atqarýdy júktedi. Salynyp jatqan jańa nysandardyń sapasy basty nazarda turýy tıis ekenin aıtqan oblys basshysy qurylysty kestege sáıkes aıaqtaýdy eskertti.




Turǵyn úı sektorlaryndaǵy ınjenerlik-kommýnıkatsııa ınfraqurylymy júıesimen qamtyp, abattandyrý men kógaldandyrýǵa, halyqqa qolaıly jaǵdaı jasaýǵa kúsh salýdy tapsyrdy. Oblys ortalyǵynyń tazalyǵyn saqtaýǵa qatysty jaýapty sala basshylarǵa naqty tapsyrmalar berdi.

Halyqaralyq áýejaıǵa barar jolda júrgizilip jatqan kógaldandyrý barysymen baqylaǵan óńir basshysy qaladaǵy jańa arbat pen gúlzarlardaǵy abattandyrý jumystaryn pysyqtady. Sonymen birge «Alataý» medıa ortalyǵynda bolǵan oblys ákimi halyqaralyq telearnanyń aldaǵy josparlarymen tanysty.

Shahardyń jańa nysandaryn aralaý barysynda oblys ákimi ortalyq stadıon jáne oqýshylar úıiniń aınalasynda júrip jatqan kógaldandyrý jumystaryn da zerdelep, merdigerlerge jumysty shıratýdy tapsyrdy.











Joǵary qaraı