Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistandaǵy qaıǵyly jaǵdaı: Úılerdi aralaý jumystary da otbasyn qutqara almady

2021 jyldyń 2 naýryz 2021 14:05

NUR-SULTAN. QazAqparat – Turǵyn úılerge gaz jetkizý qyzmetin kórsetetin kompanııalar tehnıkalyq jabdyqty durys paıdalaný úshin de jeke jaýapty bolady. Bul týraly QR Tótenshe jaǵdaılar mınıstri ıÝrıı Ilın aıtty, dep habarlaıdy QazAqparat tilshisi.

«Túrkistan oblysyndaǵy qaıǵyly jaǵdaıǵa kelsek, mamandar bul úılerdi aralap shyqqan. Bizdiń qyzmetkerler turǵyndarǵa gaz-tehnıkalyq jabdyqtyń qaýipsizdik erejeleri boıynsha nusqaýlyq ótkizgen. Atalǵan úı de esepte turǵan. Biraq mundaı aralaý jumystary da otbasyn qaıǵyly oqıǵadan qutqara almady», - dedi mınıstr Ortalyq kommýnıkatsııalar qyzmetinde ótken brıfıngte.

Mınıstr turǵyndardy órtke qarsy qaýipsizdik sharalaryn jáne gaz-tehnıkalyq jabdyqtardy paıdalaný talaptaryn qadaǵalaýǵa shaqyrdy.

«Gaz jetkizý boıynsha turǵyn úılerge tikeleı qyzmet kórsetetin kompanııalar kelisimshartta jazylǵandaı, tehnıkalyq jabdyqtyń durys paıdalanylýy úshin de jeke jaýapty bolady. Túrkistandaǵy jaǵdaı boıynsha da kelisimshart jasalǵan kompanııa osy jabdyqqa tehnıkalyq kýálandyrý júrgizýge jáne gaz-tehnıkalyq jabdyqty durys paıdalaný tujyrymdamasyn berýge mindetti bolǵan», - dep túsindirdi ıÝrıı Ilın.

Eske sala ketsek, 17 aqpanda Túrkistan oblysyndaǵy jeke turǵyn úıde 5 adamnyń denesi tabyldy, onyń tórteýi kámeleketke tolmaǵan.

Tekserý barysynda 3 bólmeli úıde kamın túrindegi pesh (Iran peshi) ornatylǵany jáne oǵan gofrlengen burǵysh qosylǵany anyqtaldy. Ol 1,5 metr qashyqtyqta qabyrǵadaǵy tesik arqyly kóshege shyǵarylǵan. Syrtqy jaǵynan gofrlengen rozetka 5-7 sm ǵana quraıdy, osylaısha qatty jel peshtegi tartylystyń nasharlaýyna yqpal etip, ýly gaz bólme ishine taralǵan.



Joǵary qaraı