Aýa raıy
Astana -3 °S
Almaty 15 °S
valıýta baǵamy
USD 389.98
EUR 434.01
RUB 6.10
CNY 55.04

Túrkistandaǵy jastar forýmyna 30 myń adam qatysty

2019 jyldyń 21 qyrkúıek 2019 14:40

TÚRKІSTAN. QazAqparat –«Turkistan- jastar qalasy» atty jastar festıvali ótti, dep habarlaıdy QazAqparat.

Sharaǵa oblysqa qarasty 13 aýdan men 3 qaladan 30 myńnan asa jas qatysty. Olar 6 baǵyt boıynsha ózara saıysqa túsken bolatyn. Bul týraly «Turkistan- jastar qalasy» atty jastar festıvaliniń qorytyndy kezeńi men jabylý saltanatynda belgili boldy.

Jastar jyly aıasynda qolǵa alynǵan jobany Túrkistan oblystyq qoǵamdyq damý basqarmasyna qarasty «Jastar resýrstyq ortalyǵy» uıymdastyrdy.

Sharanyń maqsaty – jastar arasynda mádenıettiń damýyna yqpal etý jáne nasıhattaý, bos ýaqytty utymdy paıdalanýǵa úıretý, talantty jastardyń basyn qosyp, jas daryndardyń shyǵarmashylyq turǵydan ósip-órkendeýine qoldaý tanytý. Sondaı-aq, salaýatty ómir saltyn nasıhattaý da festıvaldiń negizgi baǵyttarynyń biri boldy.

Ashyq aspan astynda uıymdastyrylǵan «Turkistan- jastar qalasy» festıvaliniń jabylý rásimine Túrkistan oblysy ákiminiń orynbasary Sáken Qalqamanov qatysyp, jeńimpazdardy marapattady.

«El Prezıdenti Qasym-Jomart Toqaev óz Joldaýynda jastarǵa qoldaý kúsheıtiletinin aıtqan bolatyn. Sebebi, táýelsizdiktiń tiregi - jastar! Kezinde Alash qaıratkeri Ahmet Baıtursynov «Bilimdi bolýǵa – oqý, baı bolýǵa – kásip, kúshti bolýǵa – birlik kerek!» degen eken. Bıyl jastar jylyna oraı, elimizde jastardy qoldaý baǵytyndaǵy jumystar kúsheıtildi. Oblysymyzda naqty jumystar júzege asýda. Bul joba jastar jylynyń alǵysharty retinde ótkizilip otyr. Jobanyń maqsaty - Túrkistan oblysy men kıeli qalada sporttyq-shyǵarmashylyq potentsıaly joǵary jastar býynyn qalyptastyrý!», dep atap ótti.







Atalǵan festıval aıasynda jaz mezgili kezinde úsh aı boıy 4 sporttyq-shyǵarmashylyq alańda 1680 is-shara ótkizilgen bolatyn. Bul maqsatta Túrkistan oblysy men oblys ortalyǵynda sporttyq-shyǵarmashylyq áleýeti joǵary jastar shoǵyryn qalyptastyrý jáne kóshe mádenıetin damytý úshin jańa sport alańdary kóptep salyndy. Budan bólek, kóne shaharda jastardyń kóńil kóterip, bas qosatyn oryndary kóbeıdi.

Sondaı-aq Túrkistannyń saıabaqtarynda Street Ball, Street Workout jáne ulttyq oıyndar alańdary salynyp, jastardyń ıgiligine berildi. Shara aıasynda sporttyq dodalardyń aptalyq, aılyq irikteýlerinen súrinbeı ótken kil myqtylar festıvaldiń aqtyq saıysynda baq synasty.

Sonymen qatar, festıval barysynda jastar sportpen qosa óz ónerlerin qalyń kórermenge usynyp, kórermen kózaıymyna aınaldy. Atap óter bolsaq, Street Danse boıynsha 1-oryndy «Kirin bı» toby enshilese, RAP saıysynan «Bekbolat» toby, Street Workout saıysynan «Jetisaı» quramasy, Karaoke baıqaýynan Ómirzaq Araılym top jardy. Ulttyq oıyndarǵa kelsek, asyqtan Túlkibas quramasy úzdik atansa, láńgiden Shardara quramasy jeńimpaz boldy.

Jarystan úzdik shyqqan júldegerlerge dıplom men baǵaly syılyqtar tapsyryldy. Festıval sońy qazaq estradasynyń jas juldyzdarynyń kontserttik shoý-baǵdarlamasymen jalǵasyn tapty.








Joǵary qaraı