Aýa raıy
Astana -2 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistandaǵy joldyń sapasy tekserildi

2020 jyldyń 24 qyrkúıek 2020 00:20

TÚRKІSTAN. QazAqparat – Túrkistan áýejaıy baǵytyndaǵy joldyń sapasyn «Jol aktıvteri ulttyq sapa ortalyǵy» RMK oblystyq fılıaly mamandary tekserip shyqty. Halyqaralyq termınalǵa tartylǵan ınjenerlik jelilerdi teksergen mamandar jol jabynynan synama alyp, onyń talapqa saı ekenin anyqtady, dep habarlaıdy QazAqparat tilshisi.

Aıta keteıik, «Áziret Sultan» halyqaralyq áýejaıyna baratyn avtomobıl jolynyń jalpy uzyndyǵy 16,3 shaqyrymdy quraıdy. Al, jobanyń jalpy quny 2,4 mlrd teńge. Búginde áýe termınalynyń qurylysy jyldam salynýda. Degenmen bul jumystar jol qurylysynyń sapasyna áser etpegeni anyqtalǵan.

«2019 jyly respýblıkalyq bıýdjetten bólingen 2,2 mlrd teńge tolyqtaı ıgerilgen. 2020 jyly jergilikti bıýdjetten 245,050 mln teńge bólinip, aǵymdaǵy jyldyń qyrkúıek aıyna ıgerý josparlanýda. Avtomobıl joly eki ýchaskege bólingen. Merdiger tarapynan nysan qurylysyna 348 jumysshy jáne 79 birlik tehnıka jumyldyrylǵan. Onda asfaltobeton jabynyn, aıaqjol, velojol salý jáne sýarý jumystary júrgizilip, aıaqtalǵan. Sonymen qatar, kógaldandyrý jáne joldy jaryqtandyrý qolǵa alynǵan»,- deıdi jolǵa jaýapty mamandar.




Qazirgi tańda áýejaı mańyndaǵy ATK kanaly men Shaǵa ózenindegi kópirlerde montajdaý jumystary tolyqtaı aıaqtalǵan. Joldyń ósimdik qabatyn alý jáne negizin salý jumystary júrgizilip, 7,8 shaqyrym nemese 69% jolǵa qara qıyrshyq tas tóselgen. Sondaı-aq, 7,4 shaqyrym jolǵ iri túıirshikti asfaltobeton jabyny salynǵan.


Avtor Aınur Aqbaeva
Basty sózder: Jol, Túrkistan oblysy,
Joǵary qaraı