Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistandy damytýǵa ǵarysh múmkindikteri paıdalanylady

2021 jyldyń 15 qazan 2021 10:36

Qazaqstandyq ǵaryshker, «Qazaqstan ǵarysh sapary» UK» AQ basqarma tóraǵasy Aıdyn Aıymbetov Túrkistanǵa keldi, dep habarlaıdy QazAqparat Túrkistan oblysy ákimdiginiń baspasóz qyzmetine silteme jasap.

Ǵarysh salasyna jaýapty basshymen Túrkistan oblysy ákiminiń orynbasary Ulan Tájibaev kezdesý ótkizip, mańyzdy máselelerdi talqylady. Atap aıtqanda, Túrkistan oblysynyń ekonomıkasyn kóterýde ǵaryshtyq tehnologııalardy qoldanýdyń múmkindikteri saralandy.

Qazaq ǵaryshkeri Aıdyn Aıymbetov qazirgi tańda memleketterdiń damýynda ǵarysh salasynyń yqpaly zor ekenine toqtalyp, ol múmkindikti tıimdi paıdalanýǵa bolatynyn jetkizdi.




Oblys ákiminiń orynbasary Ulan Tájibaev Túrkistan óńirin damytý baǵytynda ǵylymnyń jetistigin negizge alý kezek kúttirmes másele ekenin aıtty.

Kezdesý nátıjesinde «Qazaqstan ǵarysh sapary» UK» AQ men Túrkistan oblysy ákimdigi arasynda memorandýmǵa qol qoıyldy. «Qazaqstan ǵarysh sapary» UK» AQ men Túrkistan oblysy ákimdiginiń Sıtýatsııalyq ortalyǵynyń birlesken jobalary úshin arnaıy aqparattyq top qurylatyn boldy. Ol topqa tótenshe jaǵdaılar, aýyl sharýashylyǵy salalarynyń ókilderi qosylady. Ǵaryshtyq monıtorıng arqyly óńirdegi jerdiń maqsatty paıdalanylyp jatqany nemese paıdalanylmaǵany da ekshelmek.

Sonymen birge Túrkistan oblysyndaǵy birqatar basqarma men departament mamandary ǵaryshtyq monıtorıng jasaý jáne óńirge paıdaly naqty sheshimderdi taldaý jáne shyǵarýdy meńgerý úshin arnaıy bilim almaq. Olardy «Qazaqstan ǵarysh sapary» UK» AQ-nyń bilikti mamandary oqytyp, keńes beredi. «Qazaqstan ǵarysh sapary» UK» AQ men Túrkistan oblysy ákimdigi arasyndaǵy áriptestikti nyǵaıtý, josparlardy júzege asyrý boıynsha 2021 jyldyń sońyna deıin jol kartasy ázirlenedi.








Basty sózder: Túrkistan oblysy, Ǵarysh, Qurylys,
Joǵary qaraı