Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Túrkistandy túrki áleminiń týrıstik astanasy dep jarııalaý usynyldy

2022 jyldyń 27 mamyr 2022 08:01

BAKÝ. QazAqparat - QR Mádenıet jáne sport vıtse-mınıstri Erjan Erkinbaev túrki memleketteri uıymyna múshe elderdiń týrızm mınıstrleri-ákimshilik basshylarynyń otyrysyna qatysty, dep habarlaıdy QazAqparat.

Mınıstrliktiń málimetinshe, shara sheńberinde TMU-ǵa múshe memleketter men baqylaýshy elder arasyndaǵy reıster sanyn ulǵaıtý, Jibek jolynyń týrıstik áleýetin aıqyndaý, «Qazirgi Jibek joly boıymen birlesken týr» jáne «Túrki áleminiń týrıstik astanasy» jobalaryn iske asyrý, qysqy týrızm salalaryndaǵy yntymaqtastyq jáne basqa máseleler talqylandy.

Erjan Erkinbaev Qazaqstannyń týrıstik áleýetiniń ShYU aıasynda damyp otyrǵanyna erekshe nazar aýdardy.

«Qazirgi ýaqytta Qazaqstannan Túrkııaǵa, Ózbekstanǵa, Qyrǵyzstanǵa jáne Ázerbaıjanǵa aptasyna 119 reıs jıiligimen 21 baǵyt boıynsha halyqaralyq reıster jolǵa qoıylǵan», - dep atap ótti ol.

Vıtse-mınıstrdiń aıtýynsha, týrızm salasyn qalpyna keltirý jaǵdaıynda Aqtaý men Baký arasyndaǵy reıster sanyn arttyrý qajet.




Budan ári Erjan Erkinbaev qazir mınıstrlik tarapynan qarastyrylyp jatqan grand-týrlar týraly aıtyp berdi.

Qazaqstannyń 5 grand-marshrýtynyń biri - Uly Jibek joly týry QHR shekarasynan bastalyp, elimizdiń Almaty, Taraz, Shymkent, Túrkistan qalalary arqyly ótedi jáne Ózbekstanda jalǵasýy múmkin.

«Álemniń týrızm kartasynda Ortalyq Azııa elderine josparlanǵan aralas týrlar bir elge jasalatyn týrlarǵa qaraǵanda tanymaldyqqa ıe. IndyGuide eýropalyq servısiniń zertteýi boıynsha respondentterdiń 46% - y Ortalyq Azııanyń basqa memleketterimen qatar Qazaqstanǵa barǵysy keledi», - dedi ol.

Jibek joly baǵytynda jumys isteıtin týroperatorlardyń málimetteri boıynsha Ortalyq Azııaǵa satylǵan týrlardyń 50% astamy eki jáne odan da kóp elge barýdy qamtıdy.




«Barlyq kórsetilgen úrdisterdi eskere otyryp, biz Jibek joly boıymen grand-týrdy damytýǵa erekshe nazar aýdaramyz», - dep tolyqtyrdy vıtse-mınıstr.

Sonymen qatar Erjan Erkinbaev Túrkistandy túrki áleminiń týrıstik astanasy dep jarııalaýdy usyndy.

«Ejelden Túrkistan - barsha túrki halyqtarynyń ata jurty, berekeli mekeni ári týǵan oshaǵy sanalady. Bizdiń ata-babalarymyz munda uly ustaz Qoja Ahmet ıAsaýıden rýhanı bilim alyp, túrki-ıslam mádenıetin álemge taratqany belgili. Túrkiler kishi Azııaǵa bet burǵan kezde, bul qundylyqtar tamyrymyzdy saqtap qalýǵa kómektesti jáne birligimizdiń negizine aınaldy. Maqsatymyz - túrki álemin HHІ ǵasyrdyń mańyzdy ekonomıkalyq, mádenı jáne gýmanıtarlyq keńistigine aınaldyrý», - dedi ol.

Sapar aıasynda Erjan Erkinbaev Ázerbaıjan Respýblıkasy týrızm jónindegi memlekettik agenttiginiń tóraǵasy Fýad Nagıevpen ekijaqty kezdesý ótkizdi.







Kezdesý barysynda taraptar týrızm salasyndaǵy yntymaqtastyq jáne tájirıbe almasý, Qazaqstan Respýblıkasy men Ázerbaıjan Respýblıkasy arasyndaǵy týrızm salasyndaǵy kelisimdi ázirleý jáne qol qoıý, aralas týrızmdi, taý shańǵysy, golf-týrızmdi damytý jáne basqa máselelerdi talqylady.

Otyrys aıasynda túrki memleketteri uıymyna múshe memleketterdiń týrızm mınıstrleriniń kezekti 8-shi otyrysy 2023 jyly Qazaqstanda Túrkistan qalasynda ótedi degen sheshim qabyldandy.


Joǵary qaraı