Aýa raıy
Astana -8 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistandyq boksshylar el chempıonatynda júldeli oryndardy ıelendi

2020 jyldyń 29 qarasha 2020 21:10

ShYMKENT. QazAqparat – Shymkentte ótken áýesqoı bokstan erler men áıelder arasynda Qazaqstan Respýblıkasy chempıonaty óz máresine jetti. Apta boıy jalǵasqan tartysty básekeniń jeńimpazdary men júldegerleriniń esimderi belgili boldy, dep habarlaıdy QazAqparat tilshisi.

Óte tartysty ótken dúbirli dodada jalpy Túrkistan oblysynyń quramasy eki kúmis, eki qola medaldi enshiledi. 52 kelide Sáken Bıbosynov jeńis tuǵyrynyń ekinshi satysynan kórinse, +91 kelide Nurlan Saparbaı kúmis alqany moınyna ildi. Al 81 kelide Ábdikerim Bekbolat pen 91 kelide Abzal Quttybekov qola medaldi qurama qorjynyna saldy. Erler arasynda jalpy komandalyq esepte Mańǵystaý oblysy kósh bastady. Mańǵystaýlyq boksshylar bıylǵy el birinshiliginde eki altyn, eki qolaǵa qol jetkizgen. Bir altyn, eki kúmis jáne bir qola júlde jeńip alǵan Nur-Sultan qalasynyń boksshylary medal kestesinde ekinshi orynnan kórindi. Sondaı-aq, bir altyn, bir kúmis jáne úsh qola júldeni ıelengen Jambyl oblysynyń komandasy úzdik úshtikti qorytyndylady. Jeńimpazdar men júldegerler arnaıy taǵaıyndalǵan qarjylaı syılyqtar men kýbok, medal jáne alǵys hattarmen marapattaldy.















Avtor Aınur Aqbaeva
Basty sózder: Túrkistan oblysy, Sport,
Joǵary qaraı