Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistandyq polıtseıler boranda jolda qalǵan azamattarǵa kómek berýde

2021 jyldyń 22 qańtar 2021 16:57

TÚRKІSTAN. QazAqparat – Túrkistan oblysynyń polıtseıleri aq tútek borannyń saldarynan jolda qalǵan azamattarǵa kómektesýde. Ordabasy aýdanynyń polıtsııa qyzmetkerleri jol boıyna toqtap turǵan kólikterdiń ishinde adam qalyp qoımasy úshin, barlyq kólikterdi birtindep tekserip shyǵýda, dep habarlaıy QazAqparat tilshisi.

Aıta keteıik, búgin tańǵy tórtten bastap Túrkistan oblysynda qalyń qar jaýyp, qatty jel uıytqyp soqty. Úzdiksiz soqqan aq tútek borannyń saldarynan respýblıkalyq joldarda kólikter kóptegen qıyndyqqa tap bolýda. Bet qaryǵan sýyq, uıytqyǵan qar kólikterdiń qozǵalýyna kedergi keltirýde. Osyny eskergen Túrkistan oblysy polıtsııa qyzmetkerleriniń jeke quramy jolǵa shyqqan jáne jolda qalyp qoıǵan júrgizýshiler men jolaýshylarǵa kómek kórsetý úshin jedel jumyldyryldy.




Ordabasylyq tártip saqshylary qar qursaýynda qalǵan jeńil kólikterdi ózderiniń qyzmettik kóligimen súırep tegis jolǵa shyǵaryp jatyr. Keıbir kólikte qalyp qoıǵan adamdardy jaqyn mańdaǵy jyly oryndarǵa jetkizip, qajetti kómek kórsetýde.

Ordabasy aýdandyq polıtsııa bólimi patrýldik polıtsııa tobynyń qyzmet ınspektory Erjigit Qonarbaev jurtshylyqty jolǵa shyqpaýǵa shaqyrdy.

«Qurmetti júrgizýshiler boranda meılinshe sabyr saqtap, úıde otyrǵandaryńyz jón. Alys jolǵa múldem shyqpańyzdar. Qar basyp qalǵan birqatar jol jabylyp, avtokólikter júrisin toqtatyp jatyr. Qysqy maýsymda mindetti túrde kólikterińizdi mezgilge saı dóńgelekpen jabdyqtańyzdar!», - dep eskertti polıtseı.








Joǵary qaraı