Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Túrkistandyq túlekter jaǵdaıy tómen otbasylarǵa úı salyp berip jatyr

2022 jyldyń 28 mamyr 2022 21:16

TÚRKІSTAN. QazAqparat - Túrkistan oblysynda 2002 jyly mektep bitirgen túlekter jaǵdaıy tómen otbasylarǵa úı salyp berip jatyr, dep habarlaıdy QazAqparat tilshisi.

Sozaq aýdanyndaǵy Sozaq aýylynyń jastary jyl saıyn muqtaj otbasyǵa baspana syılaýdy ádetke aınaldyrǵan. Mektep bitirgenderine 20 jyl tolatyn jastar erte kóktemnen qarjy jınap, asarlatyp úı salady. Bıylda túlekter jalǵyzbasty, eki ul, bir qyz tárbılep otyrǵan Saltanat Ahmetova esimdi múmkindigi shekteýli anaǵa baspana turǵyzyp berdi.

5 bólmeli úıge jylý júıesi qosylǵan. Qosalqy sharýashylyqqa arnalǵan 20 sotyq jeri bar.

Al, Ybyraı Altynsarın atyndaǵy mekteptiń túlekteri kópbalaly otbasyǵa jańa úıdiń kiltin tabys etti. Іshin qajetti jıhazben qamtyp, muqtaj jannyń alǵysyn arqalady.

Qazyǵurt aýdanynda da ıgi is jalǵasyn tapty. Saraphana aýyly, Taldybulaq eldi mekeninde boı kótergen turǵyn úıdi baspana taýqymetin tartyp júrgen synyptastary Nurlan Bakırovke tartý etti.

Endi bul otbasy úshin aýyr turmys, qıyn kúnder artta qaldy. Aýyldastarynyń qoldaýymen jańa qonysqa jaıǵasqan otbasyǵa demeýshiler azyq-túlik pen qajetti úı jıhazdaryn jetkizip berýde. Jańa úıge kirgen azamat jomart júrekti dostaryna, aýyldastaryna alǵysyn aıtty.

Al, túlkibastyq túlekter ómirden ótken synyptasynyń otbasyna úı syılady. Aýdandaǵy Abaı mektep-lıtseıiniń jáne B.Sadyqov jalpy orta mektebiniń 2002 jyly túlep ushqan túlekteri birge oqyǵan synyptas dostyń sońynda qalǵan jaryna 4 bólmeli úı alyp berip, qýanyshqa bóledi.

Osydan birneshe jyl buryn kúıeýi ómirden ótken Aıkerim Syzdyqova osy ýaqytqa deıin úsh perzentimen jaldamaly páterde turyp kelgen. Buny estigen kúıeýiniń synyptastary 20 jyldyqta toı toılap, dýmandatqansha, ómirden ótken dostyń árýaǵyna quran baǵyshtap, qıyndyqqa dýshar bolǵan áıeline úı syılaýdy jón sanady.


Joǵary qaraı