Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Túrkistandyq jastar blokbeketterdegi azamattarǵa dári-dármekter jetkizip berdi

2022 jyldyń 14 qańtar 2022 03:06

TÚRKІSTAN. QazAqparat - Eldegi tótenshe jaǵdaıǵa baılanysty túrkistandyq jastar blok beketterdegi azamattarǵa dári-dármekter jetkizip berdi. Bul bastama Nur Otan partııasy Túrkistan oblystyq fılıalynyń qoldaýymen júzege asyryldy, dep habarlaıdy ÓazAqparat tilshisi.

Іs-shara «Shymkent-Túrkistan» tas jolyndaǵy blok beketterde qalanyń qaýipsizdigin, tynyshtyǵyn jáne turaqtylyǵyn kúzetýshi azamattardyń aýrýǵa qarsy ımmýnıtettin qalyptastyrý maqsatynda uıymdastyryldy. Sonymen qatar koronovırýs ınfektsııasynyń jańa shtamy «Omıkronnyń» órshýi men birqatar aımaqtardyń qyzyl aımaqqa enýi de sebep boldy. Medıtsına salasy mamandarynyń arnaıy nusqaýlyǵymen jınaqtalǵan dári-dármek qobdıshalary blok posttarda turǵan áskerıler men mamandarǵa jetkizildi.




«Arnaıy daıyndalǵan qobdıshada vırýsqa qarsy dári-dármekterden bólek vıtamınder men qosymsha paıdalanýǵa qajetti gıgıenalyq zattar bar. Qıyn kezeńderden muqalmaı ótý úshin aldymen densaýlyq mańyzdy. Sol sebepti Prezıdentimizdiń «Kúshimiz – birlikte» uranyn alǵa tarta otyryp, áskerılerge qoldaý bildirýdi jón kórdik. Jáne osyndaı ıgi iske atsalysqan partııa músheleri men belsendilerine alǵysymdy aıtamyn. Bul jumystar jalǵasatyn bolady», – dedi Jas Otan JQ Túrkistan oblystyq fılıalynyń tóraǵasy Janserik Juman.

Aıta keteıik, jasotandyqtar buǵan deıin de blokbeketterdegi áskerı qyzmetkerlerge ystyq tamaq jetkizip, demeý bildirgen bolatyn.












Avtor Aınur Aqbaeva
Basty sózder: Túrkistan oblysy,
Joǵary qaraı