Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistandyqtar Mańǵystaý oblysyna 100 vagonǵa jýyq jem-shóp jóneltti

2021 jyldyń 5 tamyz 2021 18:35

TÚRKІSTAN. QazAqparat - Túrkistan oblysynyń jurtshylyǵy «Qazaqstan temir joly» UK» AQ-nyń qoldaýymen 95 vagon (3 myń tonnaǵa jýyq) shópti Mańǵystaý oblysyna jóneltti. Búgingi tańda oblys ákimdigi erikti jastardyń, kásipkerlerdiń, janashyr turǵyndardyń uıymdastyrýymen mal azyǵy tapshylyǵy oryn alǵan aýmaqtarǵa osylaısha kómek qolyn sozýda, dep habarlaıdy QazAqparat tilshisi.

Atap aıtqanda Arys qalasynan – 17 vagon, Saryaǵash qalasynyń temirjol stantsııasynan – 51 vagon, Shymkent qalasynan – 18 vagon, Badam aýyldyq okrýginen – 4 vagon, Otyrar aýdanynan – 5 vagon shóp tıelgen.

Oblystyq Aýyl sharýashylyǵy basqarmasynyń málimetinshe, bıylǵy qýańshylyq batys óńirlerimen qatar, Túrkistan oblysynyń Keles, Saryaǵash aýdandarynyń jyl saıyn tabıǵı shóp oratyn alqaptaryna da áser etip, tabıǵı shóp bitik shyqpaǵan. Aldaǵy qys aılarynda mal azyǵynyń tapshylyǵyn aldyn alý maqsatynda oblystaǵy orman qorynyń jerlerinen tabıǵı shópterdi oryp alý uıymdastyrylýda, sonymen qatar Keles, Saryaǵash, Jetisaı, Maqtaaral aýdandary Shardara, Otyrar aýdandarynyń jaıylymdaryn paıdalaný týraly memorandým jasalǵan.




Oblystyń agroqurylymdaryna orman qory jerinen jaıylymdyq jáne shabyndyq jerler usynylyp, bıylǵy jyldyń 6 aıynda 545 agroqurylymǵa 563 myń ga jaıylym jer, shóp shabýǵa 23 agroqurylymǵa 1,5 myń ga shabyndyq jer berildi. Osy oraıda, oblystyń mal azyǵy jaǵdaıynda taldaý jasap, jaǵdaıdyń turaqtylyǵyna kóz jetkizilgen. Bıyl óńirdegi mal basyna qajetti 4 mln tonnaǵa jýyq mal azyǵyn tolyqtaı daıyndaýǵa múmkindikter bar. Onyń ishinde 2,7 mln tonna jońyshqa, 134,6 myń tonna súrlem, 71 myń tonna pishendeme jáne 945 myń tonna tabıǵı shóp jınalady. Búgingi kúnge 3,2 mln tonna mal azyǵy jınalǵan. Aımaqta mal sharýashylyǵy salasy turaqty damýda. Sońǵy eki jyldyń ózinde mal basy men odan alynǵan ónim kólemi 10-15% artqan.














Joǵary qaraı