Aýa raıy
Astana 11 °S
Almaty 15 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistannan basqa barlyq óńirde ınfektsııanyń reprodýktıvtilik kórsetkishi 1-den tómendedi

2020 jyldyń 11 tamyz 2020 10:14

NUR-SULTAN. QazAqparat - Túrkistannan basqa barlyq óńirde ınfektsııanyń reprodýktıvtilik kórsetkishi 1-den tómendedi. Bul týraly Úkimet otyrysynda QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.

«11 tamyzdaǵy jaǵdaı boıynsha Túrkistan oblysynan basqa óńirlerde reprodýktıvtilik kórsetkishi 1-den tómen bolyp tur. Bul karantın engizýdiń jáne jaǵdaıdy turaqtandyrý boıynsha jappaı qabyldanǵan sharalardyń tıimdiligin dáleldeıdi. Karantın sharalarlaryn jeńildetýdiń ázirlengen krıterıılerine sáıkes, mınıstrlik ınfektsııanyń reprodýktıvtilik kórsetkishin, sońǵy apta ishidegi aýrý kórsetkishin, sonymen qatar ólim-jitim kórsetkishin qadaǵalap otyrady», - dedi Alekseı Tsoı.

Onyń atap ótýinshe, karantın sharalary qatańdatylǵan 5 aptanyń ishinde ınfektsııa repordýktıvtiligi 1,15-ten 0,82-ge deıin, aýrýǵa shaldyǵý kórsetkishi 100 myń adamǵa shaqqanda 56,73-ten 36,2-ge deıin tómendegen. Osyndaı oń dınamıka densaýlyq saqtaý júıesine júktemeniń jáne negizgi kórsetkishterdiń oń dınamıkaǵa ıe bolǵanyn kórsetedi ári karantın sharalaryn kezeń-kezeńmen jeńildetýge múmkindik beredi.

«Bul jeńildetý qoǵamdyq oryndarda maska rejımi men gıgıenany qatań saqtaı otyryp, sonymen qatar barlyq aqparat arnalarymen halyq arasynda aqparattyq túsindirý jumystaryn júrgizý arqyly júrgizilýi tıis. Karantındi kezeń-kezeńmen jeńildetý boıynsha qorytyndy usynystar komıssııanyń taıaý otyrysynda engiziletin bolady», - dedi mınıstr.


Joǵary qaraı