Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkııa men Reseı Idlıbte atystyń toqtatylatynyn málim etti

2020 jyldyń 6 naýryz 2020 02:23

MÁSKEÝ. QazAqparat – 6 naýryzda tún ortasynan bastap Idlıb provıntsııasyndaǵy atys toqtatylady, dep habarlaıdy «QazAqparat» HAA.

Anadolý agenttiginiń habarlaýynsha, Túrkııa prezıdenti Rejep Taıyp Erdoǵan RF prezıdenti Vladımır Pýtınmen birge osy máselege qatysty ótken kelissóz qorytyndysyna arnalǵan baspasóz máslıhatynda «búgin túnde 00:01-den bastap Sırııanyń Idlıb qalasynda atysty toqtatý rejimi kúshine enedi» dep málimdedi.

Túrkııa memleketi basshysynyń aıtýynsha, Idlıb deeskalatsııa aımaǵynyń mártebesin aýystyrý qajettiligi týyndaǵan.

«Túrik áskerıleriniń qaza tabýyna jol berilgen qaıǵyly oqıǵalardan soń Idlıb deeskalatsııa aımaǵynyń jańa kvo-mártebesin qalyptastyrylýy sózsiz», - dedi Erdoǵan.

Onyń aıtýynsha, Túrkııa men Reseı qysqa ýaqytta atystyń toqtatylýyn qamtamasyz etedi, odan soń taraptar kelisken basqa da qadamdar jasalady.

TASS agenttiginiń habarlaýynsha, Erdoǵan Túrkııa Sırııa áskerıleriniń áreketine qarsy jaýap berýge quqyly dep málimdegen.

«Rejimniń (Sırııa prezıdenti Bashar Asad) tarapynan jasalǵan kez-kelgen shabýylǵa Túrkııa óz kúshterimen qarsy jaýap berý quqyǵyn tańdaıdy», - dedi túrik eliniń basshysy.

Ol «Ankara sırııalyq bosqyndardyń otanyna qaıtýy máselesinde járdemdesedi» dep ýáde berdi.

Eske sala ketsek, Idlıb provıntsııasynyń Sırııadaǵy tórt deeskalatsııa aımaǵynyń qataryna engeni jónindegi memorandýmǵa 2017 jyly mamyr aıynda Reseı, Túrkııa, Iran qol qoıǵan bolatyn. 2018 jyly qyrkúıekte Sochı qalasynda Reseı men Túrkııa prezıdentteri osy provıntsııada Sırııa úkimeti jáne oppozıtsııasy áskeriniń janasatyn shekarasy boıynda 15-20 shaqyrymda demılıtarızatsııa aımaǵyn qurý jóninde kelisti.

27 aqpanda sırııalyq áskerdiń shabýylynan soń 36 túrik áskerı qyzmetshisiniń qaza taýyp, Idlıbte jaǵdaı shıelenisip ketti. Sol kúni Ankara Sırııadaǵy «Kóktemgi qalqan» atalǵan jańa operatsııany bastady.


Perevod Jánibek Amangeldi
Basty sózder: Sırııa, Túrkııa, Reseı,
Joǵary qaraı