Aýa raıy
Astana -21 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Túrkııa men Reseı Taýly Qarabaq boıynsha birlesken ortalyq týraly hattamaǵa qol qoıdy

2020 jyldyń 1 jeltoqsan 2020 22:13

ANKARA-MÁSKEÝ. ANADOLY-TASS-QazAqparat - Taýly Qarabaqtaǵy atysty toqtatý rejıminiń monıtorıngi negizindegi Birlesken baqylaý ortalyǵy qyzmetiniń tehnıkalyq aspektilerine saı Reseı tarapy júrgizgen kelissózderdiń qorytyndysy boıynsha tıisti hattamaǵa qol qoıyldy, dep habarlaıdy QazAqparat Anadoly túrik aqparat agenttigine silteme jasap.

Bul týraly búgin Túrkııanyń Ulttyq qorǵanys mınıstrliginiń Twitter paraqshasynda jazyldy. Hattamada Qarabaq boıynsha Birlesken Ortalyqtyń negizderi men prıntsıpteri jazylǵan. Túrkııa men Reseıdiń Birikken ortalyǵynyń jumysyn bastaý úshin qajetti sharalar atqarylyp jatyr.

Birlesken baqylaý ortalyǵyn qurý týraly kelisimge 11 qarashada Túrkııa men Reseıdiń qorǵanys vedomstvolarynyń basshylary Hýlýsı Akar men Sergeı Shoıgý qol qoıdy. Ár elden Taýly Qarabaqtaǵy atysty toqtatý rejımin baqylaý boıynsha Birlesken ortalyq qyzmetkerleriniń sany teń bolady. Bul týraly seısenbide Reseı qorǵanys mınıstrliginiń resmı ókili Igor Konashenkov málimdedi, dep jazady TASS.

Onyń aıtýynsha, atalǵan ortalyq Ázerbaıjan aımaǵynda ornalasady.

«Ortalyqta jumys isteıtin Reseı jáne Túrkııa sarbazdarynyń sany teń bolady», - deıdi áskerı vedomstvanyń resmı ókili.

Konashenkovtyń aıtýynsha, Reseıdiń bitimgershilik kontıngentiniń áskerı qyzmetshileri Stepanakerttegi Zorge kóshesi jáne Shýsha - Lısogorskıı baǵytyndaǵy gaz qubyry men elektr jetkizý jelisin jarylǵysh zattardan tazartqanyn aıtty.

«Bir táýlik ishinde 5 gektardan astam aýmaq, eki shaqyrym jol tazartylyp, 109 jarylǵysh zat tabyldy jáne olar arnaıy jabdyqtalǵan polıgonǵa jetkizilip, joıyldy», - deıdi ol.

Sondaı-aq, ol Taýly Qarabaqtaǵy ınjenerlik bólimder 34 gektardan astam jer, 12 shaqyrymǵa jýyq joldy tazarqanyn, 110-nan astam úı men áleýmettik nysandar tekserilip, 1077 jarylǵysh zat tabylyp, zalalsyzdandyrylǵanyn aıtty.

Sonymen qatar, Reseıdiń bitimgershilik kúshteri Taýly Qarabaqtaǵy mańyzdy ınjenerlik kommýnıkatsııalardy qalpyna keltirýde jóndeý brıgadalaryna kómek kórsetýde, al Reseıdiń qorǵanys mınıstrliginiń arnaıy maqsattaǵy medıtsınalyq bólimshesiniń áskerı dáriger-mamandarynyń toby mamandandyrylǵan medıtsınalyq kómek kórsetedi. Reseıdiń bitimgershilik kúshteri men Halyqaralyq Qyzyl Krest komıtetiniń úılestirýimen qurban bolǵandardyń denelerin izdeý jáne almasý jumystary jalǵasýda.


Avtor Zarına Qaharman
Basty sózder: Túrkııa, Reseı, Ásker, Álem,
Joǵary qaraı