Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkııadaǵy alapat órtten zardap shekkender arasynda Qazaqstan azamattary joq - Elshilik

2021 jyldyń 29 shilde 2021 19:25

NUR-SULTAN. QazAqparat – Túrkııanyń Antalıa provıntsııasyndaǵy alapat órtten qaza tapqandar men zardap shekkender arasynda Qazaqstan azamattary joq, habarlaıdy QazAqparat tilshisi.

Bul týraly Qazaqstan Respýblıkasynyń Túrik Respýblıkasyndaǵy Tótenshe jáne Ókiletti Elshisi Abzal Saparbekuly Facebook-tegi paraqshasynda jazdy.


«Osy qıyn syn saǵatta túrik baýyrlarymyzǵa Alla jar bolsyn deıik. Túrkııanyń Antalıa provıntsııasy Antalıa men Alanııa arasyndaǵy Manavgat aýdanynda taýly jerde (teńiz jaǵalaýynan uzaqtaý) keshe saǵat 12:00 bastalǵan buryn sońdy bolmaǵan órt áli de jalǵasýda. Árıne, birinshi kezekte QR azamattarynyń qaýipsizdigi. Antalıa Konsýldyq esebinde resmı tirkelgen 200-ge jýyq azamatymyz bar. Іs júzinde bul jerde turǵylyqty, qysqa merzimdi turyp jatqan azamattarymyzdyń sany áldeqaıda joǵary. Demalysqa kelip demalyp jatqandar kóp. Abyroı bolǵanda qaza tapqan jáne ondaǵan jaraly kisiler arasynda bizdiń azamattar joq», - deıdi Túrkııadaǵy Qazaqstan Elshisi.







Tótenshe jáne Ókiletti Elshi resmı málimet boıynsha 600 gektardan astam orman otqa oranǵanyn aıtady.

«Órt sharpyǵan ormannyń aýqymy budan 3-4 esege artýy múmkin. 50-ge jýyq shaǵyn aýyldar kóshirilgen. 7-8 aýyl janyp ketken. ıAǵnı, túsinetinderge túrik aǵaıyndar óte qıyn jaǵdaıǵa tap bolyp otyr. Ókinishke qaraı qatty jelge baılanysty órt tolyq baqylaýǵa alyndy deý qıyn. Tilsiz jaý Alanııa aýdany shekerasyna jaqyndap qaldy degen aqparattar túsýde», - deıdi Abzal Saparbekuly.





























Avtor Esimjan Naqtybaı
Basty sózder: Oqıǵa, Túrkııa, QR SІM, Vıdeo,
Joǵary qaraı