Aýa raıy
Astana 7 °S
Almaty 11 °S
valıýta baǵamy
USD 421.58
EUR 496.83
RUB 5.53
CNY 62.20

Turmystyq zorlyq-zombylyq: 500-den astam adam daǵdarys ortalyǵyna baǵyttaldy

2020 jyldyń 6 tamyz 2020 18:21

NUR-SULTAN. QazAqparat – Bıyl turmystyq zorlyq-zombylyqqa ushyraǵan 500-den astam adam daǵdarys ortalyǵyna baǵyttaldy. Bul týraly QR ІІM Ákimshilik polıtsııa komıteti ıÝvenaldy polıtsııa jáne áıelderdi zorlyq-zombylyqtan qorǵaý basqarmasynyń basshysy Áset Ospanov málim etti, dep habarlaıdy QazAqparat tilshisi.

«Úıdegi zorlyq-zombylyqqa ushyraǵandarǵa kómek kórsetý maqsatynda úkimettik emes sektormen tyǵyz qarym-qatynastamyz. Olar bul salada ózderiniń ońtaıly eleýli úlesin qosyp keledi. Elimizde 41 daǵdarys ortalyǵy qyzmet etýde, onyń ishinde 29-ynda panalaıtyn oryn bar. Bul jerlerde zardap shekken adamdarǵa jan-jaqty kómek kórsetiledi», - dedi ol Ortalyq kommýnıkatsııalar qyzmetinde.

Bıyl daǵdarys ortalyqtaryna turmystyq zorlyq-zombylyqqa ushyraǵan 500-den astam adam baǵyttalǵan.

«Sonymen qatar, karantın kezeńinde osyndaı jandar úshin barlyq ákimdiktermen birlese qonaq úı qorynan rezerv qurý boıynsha jumystar júrgizildi. Osy oraıda Almaty qalasynda jáne Túrkisten oblysynda qosymsha 50 orynnan bólindi», - dedi Á. Ospanov.

Budan buryn habarlanǵandaı , koronavırýs indeti kezinde elimizde turmystyq zorlyq-zombylyq 21 paıyzǵa ósti.

Aıta keteıik, ózin-ózi oqshaýlaý kezeńinde otbasylyq-turmystyq qatynastar salasynda quqyqqa qaıshy áreketter úshin ákimshilik jaýapkershilikke 8 myńnan astam quqyq buzýshylar tartyldy.

Bıylǵy naýryzdan beri turmystyq zorlyq-zombylyqtan 33 qazaqstandyq kóz jumdy.



Joǵary qaraı