Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Twitter-diń negizin qalaǵan Djek Dorsı kompanııadan ketti

2021 jyldyń 30 qarasha 2021 00:18

NUR-SULTAN. QazAqparat – Twitter-de dúısenbi kúni basshylyq aýysty: mıkroblogtar servısiniń teń quryltaıshysy, mıllıarder Djek Dorsı bas dırektor qyzmetinen ketti. Kompanııa reforma júrgizip, Facebook jáne TikTok-pen teń básekege túspek, dep habarlaıdy QazAqparat VVS-ge silteme jasap

Dúısenbi kúni Twitter, Inc. kompanııasy bas dırektor Djek Dorsıdiń ornyna Twitter-de sońǵy 4 jyl boıy tehnologııalar boıynsha dırektor bolǵan Parag Agraval keletinin málim etti.

«Men Twitter-den ketýdi uıǵardym. Sebebi kompanııa onyń negizin qalaýshylardan derbestenip, alǵa jyljýǵa daıyn dep esepteımin. Men Paragqa jańa dırektor retinde kámil senemin. Twitter-de eńbek etken sońǵy 10 jylda ol kompanııany túrlendire tústi», - dep keltiredi Dorsıdiń sózin álemdik aqparat agenttikteri.

D.Dorsı Twitter-de kompanııa qyzmetkerlerine arnalǵan qoshtasý hatyn qaldyryp: «Barlyǵy derlik estigenine kúmánim bar, men Twitter-den kettim» dep jazdy.

Facebook jáne TikTok áleýmettik jelilerimen naryq úshin kúresip jatqan Twitter-diń bútin álem boıynsha 400 mıllıonǵa jýyq qoldanýshysy bar. Facebook-te - 2,8 mlrd, TikTok-ta - 1 mlrd qoldanýshy tirkelgen.

Programmıst Djek Dorsı Twitter-di onyń negizi qalanǵan – 2006 jyldan beri basqaryp keldi. Qazir 45 jastaǵy Dorsıdiń dáýleti 12 mlrd AQSh dollaryna baǵalanýda.


Perevod Mıra Tólendiqyzy
Basty sózder: Internet, Álem,
Joǵary qaraı