Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Tyǵylyp qonaqqa, restorannyń artqy esiginen toıǵa barǵannan 18 myń adam qaıtys boldy – Eraly Toǵjanov

2022 jyldyń 18 qańtar 2022 18:11

NUR-SULTAN. QazAqparat – QR Premer-Mınıstriniń orynbasary Eraly Toǵjanov sanıtarlyq normalardy elemeıtin turǵyndardyń áreketin synǵa aldy, dep habarlaıdy QazAqparat tilshisi.

«Memlekettik organdardyń da, qoǵamnyń da ózara jaýapkershiligi ǵana qaýipti vırýstyń taralý tizbegin toqtata alady. Qazirgi ýaqytta jalǵyz durys sheshim — vaktsınalaý jáne sanıtarlyq normalardy qatań saqtaý. Sońǵy ýaqytta salǵyrttyq kóbeıgenin, maska taǵýdy, antıseptık qoldanýdy, áleýmettik qashyqtyqty saqtaýdy toqtatqanymyzdy moıyndaýymyz kerek. Kóptegen azamattarymyz oqshaýlaný talaptaryn múldem umytty jáne aınalasyn qatergi tigip júr», - dedi E. Toǵjanov Ortalyq kommýnıkatsııalar qymzetinde.

Spıker buqaralyq is-sharalardy ótkizýden jáne oǵan barýdan aýlaq bolýdy, ózimizge jáne aınaladaǵy jaqyndarymyzǵa janashyr bolýymyz kerektigin eske saldy.

«Biz koronavırýs zardabynan eki jylda 18 326 adamnan aıryldyq. Beıbit kúnde aramyzdaǵy ardaqtylarymyzdy joǵalttyq. Kataldaý estilse de aıtaıyn – kóp jaǵdaıda osyǵan ózimiz kinálimiz. Tyǵylyp qonaqqa barý, restorannyń artqy esiginen kirip toı jasaý, masqa taǵýdy qajet dep sanamaý, sanıtarlyq talaptardy qabyl kórmeý sııaqty áreketterimizdiń kesirinen qanshama adam qaıtys bolyp ketti. Negizi «Tártip – tárbıe bastaýy, tártipsizdik – ómirińniń qas jaýy» dep atalarymyz beker aıtpaǵan. Qazir bosańsıtyn ýaqyt emes, aýrýdyń sharyqtaý shegi áli alda», - dedi E. Toǵjanov.


Joǵary qaraı