Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

TJ mamandary 26 653 balaǵa sýda júzýdi úıretti

2022 jyldyń 16 mamyr 2022 14:01

NUR-SULTAN. QazAqparat – Elimizde tótenshe jaǵdaılar qyzmetiniń mamandary balalardy sýda júzýge úıretip jatyr. Bul týraly QR TJM Azamattyq qorǵanys jáne áskerı bólimder komıtetiniń tóraǵasy Baýyrjan Syzdyqov málim etti, dep habarlaıdy QazAqparat tilshisi.

«Bizdiń qutqarý bóliminiń mamandary elimiz boıynsha halyq eń kóp keletin 125 sý aıdynynyń qyzmetin baqylaıdy. Ol jerlerde 493 qutqarýshy táýlik boıy kezekshilik etedi. Sondaı-aq, bıyl bizdiń mınıstrlik sý aıdyndaryndaǵy baqylaýdy kúsheıtý jáne azamattardyń qaýipsizdigin qamtamasyz etý maqsatynda shomylý maýsymy bastalysymen sý qoımalarynyń qaýipti jáne kúzetilmeıtin bólikterinde qosymsha 45 jyljymaly qutqarý beketin iske qosady. Odan basqa, jergilikti ákimdikter jáne sý mańyndaǵy demalys oryndarynyń ıelerimen birlesip mınıstrliktiń jedel-qutqarý jasaqtarynda daıarlyqtan ótken qoǵamdyq qutqarýshylar esebinen 316 nysandyq qutqarý beketi jasaqtaldy», - dedi Baýyrjan Syzdyqov Ortalyq kommýnıkatsııalar qyzmeti alańynda ótken baspasóz máslıhatynda.

Komıtet basshysynyń aıtýynsha, jurtshylyq shomylatyn oryndarda 104 medıtsınalyq beket jumys isteıdi.

«Balalardyń da sýdaǵy qaýipsizdigi mańyzdy. Osy oraıda balalar úshin qaýipsiz jaǵajaılar anyqtalyp jatyr. Onda qutqarýshylar balalarǵa júzýdi úıretedi. Búginde elimizde barlyǵy 265 statsıonarlyq basseın, 146 qańqaly – modýldi basseın bar. Jyl basynan beri atalǵan basseınderde 26 653 bala sýda júzýge úıretildi», - deıdi ol.

Buǵan deıin TJM ókili jyl basynan beri elimizde 25 adamnyń sýǵa ketkenin málim etti.

Aıta keteıik, elimizde shomylýǵa ruqsat berilgen 490 oryn bar.

Sondaı-aq, qazaqstandyqtar shomylýǵa bolatyn oryndardy mobıldi qosymsha arqyly bile alady.


Joǵary qaraı