Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

TJM áýe parki Qazaqstanda qurastyrylǵan tikushaqpen tolyqty

2022 jyldyń 4 mamyr 2022 17:12

NUR-SULTAN. QazAqparat- Tótenshe jaǵdaılar mınıstrliginiń áýe parki Qazaqstanda qurastyrylǵan tikushaqpen tolyqty, dep habarlaıdy QazAqparat Azamattyq avıatsııa komıtetiniń baspasóz qyzmetine silteme jasap.

Tikushaqtyń qurylǵylary frantsýzdyq «Airbus Helicopters» zaýytynda jasalǵan. Al qurastyrý jumystary «Qazaqstan ınjınırıng» UK» AQ men «Airbus Helicopters» birlesken jobasy – «Eurocopter Kazakhastan Engineering» JShS zaýytynda júrgizilgen. Bul TMD aýmaǵyndaǵy atalǵan tikushaq túrlerin qurastyrý men tehnıkalyq qoldaý kórsetetin jalǵyz óndiris orny.

H-145 – qos qozǵaltqyshty Airbus tikushaqtary túrine jatady. Jolaýshy syıymdylyǵy – 9 adamǵa deıin jáne oryn konfıgýratsııasyn jyldam ózgertý múmkindigi bar.

Álem boıynsha 1500-den astam atalǵan tikushaq túrleri paıdalanýǵa berilgen jáne jalpy ushý ýaqyty 6 mıllıon saǵattan astam ýaqytty quraıdy. Áýe kóliginiń sapasy álemdik jetekshi óndirýshi kompanııalardyń talaptary men Eýropalyq áýe navıgatsııasynyń qaýipsizdik uıymynyń (EASA) ushý jaramdylyq normalaryna tolyǵymen sáıkes keledi. Tikushaq qalaqshasyndaǵy 5 buranda arnaıy topsalar men sharıkti ishpektersiz qurastyrylǵandyqtan H-145-te ushý kezindegi diril aıtarlyqtaı tómendegen. Bul óz kezeginde jolaýshylardyń jaılylyq deńgeıin arttyryp qana qoımaı, dirildi báseńdetý júıesinen tolyǵymen bas tartýǵa múmkindik berdi. Nátıjesinde paıdaly júk kólemi 150 kelige deıin artty. Qazirgi kúnde H-145 óz klasy boıynsha eń joǵary júk tasymaldaıtyn tikushaq bolyp tabylady.


Joǵary qaraı