Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

UEFA Chempıondar lıgasy: «Qaırattyń» búgingi oıynyn qaıdan kórýge bolady

2021 jyldyń 21 shilde 2021 01:49

NUR-SULTAN. QazAqparat - Búgin, 21 shildede UEFA Chempıondar lıgasy ekinshi irikteý satysynda Almatynyń «Qaıraty» óz alańynda Serbııanyń «Tsrvena Zvezda» komandasymen alǵashqy oıynyn ótkizedi, dep habarlaıdy QazAqparat tilshisi.

Almatylyq komanda birinshi irikteý satysynda Izraıldiń «Makkabı» (Haıfa) komandasyn (2:0, 1:1) orta jolda qaldyryp ketti.

Al «Tsrvena Zvezda» ekinshi irikteý satysyna joldama alǵan.

Serbııalyq klýb 1945 jyldyń 4 naýryzynda qurylǵan. Serbııanyń 8 márte chempıony atanǵan. Sondaı-aq, 7 márte kúmis, 1 márte qola júldeger atandy. Keıingi tórt jylda qatarynan chempıon ataǵyna qol jetkizip keledi.

«Tsrvena Zvezda» Chempıondar lıgasy toptyq satysynda eki márte baq synady.

2018/19 jylǵy kezeńde S tobynda Frantsııanyń «Parı Sen-Jermen», Anglııanyń «Lıverpýl» jáne Italııanyń «Napolı» klýbtarymen sheberlik baıqasty. Óz alańynda «Napolımen» 0:0 esebimen teń túsip, «Lıverpýldi» 2:0 esebimen tize búktirdi. Nátıjesinde tórt upaımen óz tobynda sońǵy oryndy mise tutty.

Serbııalyq klýb 2019/20 jylǵy kezeńde B tobynda Germanııanyń «Bavarııa», Anglııanyń «Tottenhem Hotspýr» jáne Grekııanyń «Olımpıakos» klýbtarymen kezdesti. Bir kezdesýde «Olımpıakosty» óz alańynda 3:1 esebimen jeńip, nátıjesinde nebári úsh upaıdy qanaǵat tutty. Tobynda tórtinshi orynnan aryǵa asa alǵan joq.

Eske salsaq, eki komanda buǵan deıin 2015/16 jylǵy Eýropa lıgasy birinshi irikteý kezeńinde kezdesken bolatyn. Aldymen 2 shildede syrt alańda 2:0 esebimen basym túsken qazaqstandyq klýb Almatyda atalǵan qarsylasyn 9 shildede 2:1 esebimen jeńdi.

Aıta ketsek, «Qaırat» budan buryn atalǵan dop dodasynda 2005/06 jylǵy kezeńde baq synady. Birinshi irikteý satysynda Slovakııanyń «Artmedıa» klýbyn aldymen 2:0 esebimen jeńse, odan keıin syrt alańda qarsylasyna 1:4 esebimen ese jiberip qoıdy. Osylaısha jarystyń kelesi satysyna «Artmedıa» joldama aldy.

Búgingi kezdesý Almaty qalasyndaǵy ortalyq stadıonda ótkiziledi. Oıynǵa túrkııalyq Halıl Meler tóreshi bolady. Oǵan otandastary Mustafa Eıısoı pen Djevdet Komýrdjýoglý kómektesedi. Qosalqy tóreshi de túrkııalyq Arda Kerdeshler.

Oıyn elorda ýaqytymen 19.50-de bastalyp, Qazsport telearnasynan tikeleı efırde kórsetiledi.


Avtor Ádiljan Úmbet
Basty sózder: Sport,
Joǵary qaraı