Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

UEFA Konferentsııa lıgasy: «Astana» jarystyń úshinshi satysyna shyqty

2021 jyldyń 30 shilde 2021 03:18

NUR-SULTAN. QazAqparat - 29 shildede UEFA Konferentsııa lıgasy ekinshi irikteý satysynda qazaqstandyq «Astana» Grekııanyń «Arıs» klýbymen qarymta oıyn ótkizdi, dep habarlaıdy QazAqparat tilshisi.

Eki komanda arasyndaǵy alǵashqy kezdesýde elordalyq klýb 2:0 esebimen jeńiske jetti. Sondyqtan olarǵa úsh gol aıyrmasymen jeńilmeýi tıis bolatyn.

«Arıs» fýtbolshylary sol maqsatta oıyn basynan alǵa qaraı umtyldy. Birinshi kezeńde tizgindi negizinen grekııalyq oıynshylar ustady desek te bolady.

Nátıjesinde olardyń qatarynan Dımıtrıos Manos 36-mınýtta esep ashyp ketti. Budan keıin eki komandanyń esepti ózgertetin múmkindigi bolǵan edi. Degenmen tablodaǵy esep ózgerissiz qaldy.

Ekinshi kezeńde de alań ıeleri gol soǵatyn múmkindikti izdedi. Oıynnyń 78-mınýtynda «Arıs» oıynshysy Sasha tarazy basyn teńestirdi. Oıyn overtaımǵa ulasyp, 120-mınýtta «Astana» qorǵaýshysy Elen Bıtrı jeńis golyn soqty. Osylaısha elordalyq klýb jarysty jalǵastyratyn boldy. Olar endi 5 jáne 12 tamyz kúnderi Fınlıandııanyń KýPs komandasymen kezdesedi.

Aıta ketsek, búgin UEFA Konferentsııa lıgasy ekinshi irikteý satysynda Qaraǵandynyń «Shahteri» Rýmynııanyń FKSB (burynǵy ataýy «Stıaýa») klýbynan basym tústi.

Al odan keıin «Tobyl» óz alańynda Horvatııanyń «Haıdýk» komandasynyń osal tusyn tapty.

Al keshe, 28 shildede UEFA Chempıondar lıgasynda «Qaırat» qarsylasynan oısyraı jeńildi. Endi olar Eýropa lıgasy úshinshi irikteý satysynda Armenııanyń «Alashkert» klýbymen synǵa túsedi.



Avtor Ádiljan Úmbet
Basty sózder: Sport,
Joǵary qaraı