Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

UEFA Konferentsııa lıgasy: «Shahter» jarysty jalǵastyrady

2021 jyldyń 29 shilde 2021 22:05

NUR-SULTAN. QazAqparat - Búgin, 29 shildede UEFA Konferentsııa lıgasy ekinshi irikteý satysynda qazaqstandyq «Shahter» komandasy Rýmynııanyń FKSB ( burynǵy ataýy «Stıaýa») klýbymen qarymta oıyn ótkizdi, dep habarlaıdy QazAqparat tilshisi.

Atalǵan klýb 1947 jyly qurylǵan. Komanda1961-2017 jyldar aralyǵynda «Stıaýa» ataýymen jankúıerlerge jaqsy tanys. Óz elinde 26 márte chempıon atanyp, rekordtyq kórsetkishke qol jetkizdi. Bıyl olar kúmis júlde alyp, eýrokýbokta baq synaýǵa joldama ıelendi.

Bir apta buryn Rýmynııada ótken oıynda FKSB «Shahterden» 1:0 esebimen basym tústi. Sondyqtan qazaqstandyq klýb eki gol aıyrmasymen jeńiske jetý qajet bolatyn.

Oıynnyń birinshi kezeńinde Mıhaıl Gabyshev 11-mınýtta esep ashqan bolatyn. Budan keıin eki komanda tarapyna esepti ózgertetin múmkindikter kezdesti.

Ekinshi kezeńde rýmynııalyq klýbtan Florınel Koman 76-mınýtta tarazy basyn teńestirip ketti. Al 91-mınýtta qazaqstandyq Aıdos Táttibaev qaıtadan óziniń komandasyn alǵa shyǵardy. Kezdesýde «Shahter» qarsylasyn 2:1 esebimen basym tústi. Eki oıynnyń nátıjesi osylaısha 2:2 esebimen teńesti. Bıyl syrt alańda soǵylǵan gol ekeýge esepteletin ereje alynyp tastalǵan bolatyn. Osylaısha oıyn overtaımǵa ulasty.

Overtaımda da jeńimpaz anyqtalǵan joq. Oıyn sońynan keıingi penaltıde «Shahterdiń» joly bolyp, jarystyń úshinshi satysyna joldama aldy.

Sondaı-aq, búgin UEFA Konferentsııa lıgasy ekinshi irikteý satysynda Qostanaıdyń «Tobyly» óz alańynda Horvatııanyń «Haıdýkty» qabyldasa, elordalyq «Astana» syrt alańda Grekııanyń «Arıs» komandasymen jasyl alańǵa shyǵady.

Endi «Shahter» jarystyń úshinshi satysynda Ýkraınanyń «Kolos» komandasymen kezdesedi. Oıyndar 5 jáne 12 tamyz kúnderine belgilengen.


Avtor Ádiljan Úmbet
Basty sózder: Sport,
Joǵary qaraı