Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

UEFA Konferentsııa lıgasy: «Tobyl» Horvatııanyń komandasyn jeńdi

2021 jyldyń 29 shilde 2021 23:37

NUR-SULTAN. QazAqparat - 29 shildede UEFA Konferentsııa lıgasy ekinshi irikteý satysynda qazaqstandyq «Tobyl» komandasy Horvatııanyń «Haıdýk» klýbymen qarymta oıyn ótkizdi, dep habarlaıdy QazAqparat tilshisi.

Eske salsaq, eki komanda arasyndaǵy alǵashqy kezdesýde horvatııalyq klýb 2:0 esebimen basym túsken bolatyn. Sondyqtan qostanaılyq klýb úshin búgin kem degende úsh gol aıyrmasymen jeńiske jetýi tıis edi.

Birinshi kezeńde eki komanda shabýyl shebine kóbirek shyqty. Dese de tablodaǵy esep ózgergen joq.

Ekinshi kezeńde «Tobyl» alǵa qaraı umtyla tústi. Nátıjesinde olardyń qatarynan 16-mınýtta Dýshan Iovanchıch esep ashty. Odan keıin qostanaılyq klýbtyń shabýylshysy Igor Sergeev 61, 67-mınýtta qos goldyń avtory atandy.

Osylaısha «Tobyl» 3:0 esebimen alda turǵan edi. Bul jarystyń kelesi satysyna shyǵýǵa jetkilikti bolatyn. Degenmen Emır Sahıtı 94-mınýtta bir gol soǵyp ketti. Nátıjesinde eki oıynnyń nátıjesimen esep 3:3 boldy. Oıyn overtaımǵa ulasty. Overtaımnyń 118-mınýtynda Ashat Taǵybergen taǵy da «Tobyldy» alǵa shyǵardy.

Kezdesýde «Tobyl» qarsylasyn 4:1 esebimen ejńip, jarysty jalǵastyrýǵa múmkindik aldy. Endi olar 5 jáne 12 tamyz kúnderi Apollon» (Kıpr) jáne «Jılına» (Slovakııa) jubynyń jeńimpazymen kezdesedi.

Osylaısha qos oıynnyǵ nátıjesimen «Tobyl» alǵa shyqty.

Aıta ketsek, búgin UEFA Konferentsııa lıgasy ekinshi irikteý satysynda Qaraǵandynyń «Shahteri» Rýmynııanyń FKSB (burynǵy ataýy «Stıaýa») klýbynan basym tústi.

Endi atalǵan týrnırde elordalyq «Astana» syrt alańda Grekııanyń «Arıs» komandasymen jasyl alańǵa shyǵady.

Al keshe, 28 shildede UEFA Chempıondar lıgasynda «Qaırat» qarsylasynan oısyraı jeńildi. Endi olar Eýropa lıgasy úshinshi irikteý satysynda Armenııanyń «Alashkert» klýbymen synǵa túsedi.



Avtor Ádiljan Úmbet
Basty sózder: Sport,
Joǵary qaraı