Aýa raıy
Astana -24 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

ÚEU kóshbasshylary úshin alǵashqy júıeli oqytý kýrsy uıymdastyryldy

2020 jyldyń 29 qazan 2020 16:33

NUR-SULTAN. QazAqparat - Halyqaralyq sarapshylar qazaqstandyq úkimettik emes uıymdarǵa arnalǵan bilim baǵdarlamalaryn júrgizip jatyr.

«Azamattyq bastamalar ortalyǵy» QB Aqparat jáne qoǵamdyq damý mınıstrliginiń qoldaýymen «ÚEU akademııasy» aýqymdy jobasyn iske asyrýda. Bul Qazaqstannyń úkimettik emes uıymdarynyń basshylary úshin qajetti quqyqtyq jáne basqarýshylyq bilimderdiń alǵashqy júıelendirilgen kýrsy.

«Bilim berý baǵdarlamasynyń biregeıligi – semınar tyńdaýshylaryna ÚEU-dy tabysty damytý boıynsha ozyq praktıkalardy usynýda. Belgili sarapshylar men bıznes-trenerler ÚEU qyzmetin josparlaý jáne taldaý, qarjylandyrý kózderin tartý, ÚEU-dy ilgeriletý tásilderi, jeke damý strategııasyn qurý týraly jáne basqa da bilimderimen bólisedi. Qashyqtyqtan oqytý formasynyń arqasynda semınarlar men vebınarlar barlyǵyna qol jetimdi. Bizdiń basty mindetimiz – ÚEU ókilderin qashyqtyqtan jáne mobıldi oqytýdy uıymdastyrý úshin qazaqstandyq platforma qurý, sondaı-aq qoǵamdyq birlestikterdiń kásibı daǵdylaryn damytý», - dedi QR AQDM Azamattyq qoǵam isteri komıtetiniń tóraǵasy Madııar Qojahmetov.

Búgingi tańda ÚEU Akademııasyna 300-den astam tyńdaýshy jazyldy jáne ártúrli elderdiń jattyqtyrýshylary tartyldy.

Oqytý kýrstaryn Reseıdegi RedMe áleýmettik baǵyttalǵan marketıngtiń birinshi halyqaralyq agenttiginiń basshysy Olga Sharatýta, áleýmettik kásipkerlik boıynsha Qyrǵyzstannyń sarapshysy Gúlnara Júnisalıeva, strategııalyq jáne kommýnıkatsııalyq menedjment boıynsha qazaqstandyq mamandar – buqaralyq kommýnıkatsııa salasyndaǵy sarapshy Alına Hamatdınova, strategııalyq jáne kommýnıkatsııalyq marketıng boıynsha keńesshi Ildar Valıýllov jáne basqalar júrgizedi.

Halyqaralyq sarapshylar qoǵamdyq uıymdardyń ókilderin qarym-qatynasty ilgeriletý ádisterine, bıznes, yntymaqtastyq pen ÚEU-ny jyljytý erekshelikterine, reseılik keıster, strategııa, qarjylyq josparlaý jáne jobalardy basqarý mysalynda ÚEU-dy damytýdyń tıimdi quraldaryn úıretedi.

«Óte paıdaly jáne mazmundy joba. Men úshin ÚEU-dy jyljytýdyń marketıngtik ádisteri jáne reseılik korporatıvtik eriktilik agenttikteriniń sheshimderi jańalyq boldy. ÚEU damytý boıynsha jańa jáne ýaqtyly aqparat aldyq, ony bizdiń aldaǵy qyzmetimizde mindetti túrde qoldanýǵa bolady», - dep atap ótti Qostanaı oblysynyń Azamattyq alıansynyń basshysy Dınara Ótebaeva .

Joba QR Aqparat jáne qoǵamdyq damý mınıstrliginiń bastamasy boıynsha granttyq qarjylandyrý aıasynda júzege asyrylýda.


Joǵary qaraı