Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Úkimet 2022 jyly 26 zań jobasyn ázirleıdi

2021 jyldyń 28 jeltoqsan 2021 10:04

NUR-SULTAN. QazAqparat – Úkimet 2022 jyly 26 zań jobasyn ázirleıdi. Bul týraly búgin Úkimet otyrysynda QR Ádilet mınıstri Marat Beketaev aıtty, dep habarlaıdy QazAqparat tilshisi.

Ádilet mınıstrligi Zań jobalaý qyzmeti máseleleri jónindegi vedomstvoaralyq komıssııa múshelerimen 2022 jylǵa arnalǵan jospar jobasyn ázirledi. Bastapqyda jospar jobasynda Parlamentke 31 zań jobasyn ázirleý jáne engizý qarastyrylǵan bolatyn. Bıyl 10 qarashada jospar jobasyn tanystyrý barysynda josparlanǵan zań jobalarynyń negizgi erejeleri, sondaı-aq olardy ázirleý negizderi baıandaldy. Sizderdiń nazarlaryńyzǵa usynylyp otyrǵan jospar jobasy Prezıdent Ákimshiliginiń eskertýlerimen pysyqtaldy», - dedi Marat Beketaev.

Mınıstrdiń atap ótýinshe, zań jobalaryn Parlamentke engizý merzimderi qaıta qaraldy. Sondaı-aq tujyrymdamalary tıisti talqylaýdy talap etetin birqatar bastama alynyp tastaldy. Qalǵan bóliginde jospar jobasy ózgertilgen joq.

«Baıandalǵandy eskere otyryp, pysyqtalǵan jospar jobasy 26 zań jobasyn ázirleýdi kózdeıdi. Birinshi jartyjyldyqta – 7 zań jobasy, ekinshi jartyjyldyqta – 19 zań jobasy», - dedi ol.


Joǵary qaraı