Aýa raıy
Astana 9 °S
Almaty 3 °S
valıýta baǵamy
USD 421.58
EUR 496.83
RUB 5.53
CNY 62.20

Úkimet basshysy: Barlyq aýrýhana ókpeni jasandy jeldetý apparatymen qamtylýy tıis

2020 jyldyń 21 shilde 2020 10:00

NUR-SULTAN. QazAqparat – Premer-mınıstr Asqar Mamın tamyz aıynyń sońyna deıin aýrýhananyń bárin ókpeni jasandy jeldetý apparattarymen qamtamasyz etýdi tapsyrdy, dep habarlaıdy QazAqparat tilshisi.

«Baıandamalardan baıqaǵanymyzdaı, epıdemıologııalyq jaǵdaıdyń birshama turaqtaný deńgeıine shyqqany baıqalady. Respýblıka boıynsha koronavırýs juqtyrǵandardyń ósimi táýligine - 2,1 paıyz. Al keı óńirlerde odan da az. Mysaly, Shymkentte - 1 paıyz, Qyzylorda oblysynda - 0,9%, Túrkistan oblysynda - 0,8%, Aqtóbe oblysynda - 0,5%. Qazirgi basty mindet – barlyq óńirde aýrý juqtyrý deńgeıin ornyqty tómendetý», - dedi Asqar Mamın Úkimet otyrysynda.

Premer-mınıstrdiń aıtýynsha, Memleket basshysynyń tapsyrmasyna sáıkes sapaly ári qoljetimdi tolyq kólemdegi medıtsınalyq kómekti, ásirese aýyldarda qamtamasyz etý boıynsha birqatar sharalar qabyldaý kerek.

«Birinshiden Densaýlyq saqtaý, Indýstrııa mınıstrligi jáne ákimdikter tamyzdyń sońyna deıin óńirlerdegi aýrýhanalardy ókpeni jasandy jeldetý apparattarymen qamtamasyz etsin. Densaýlyq saqtaý mınıstrligi ákimdiktermen jáne Aýyl sharýashylyǵy mınıstrligimen birge shildeniń sońyna deıin óńirlerde veterınarlyq zerthanalar bazasynda koronavırýsqa testileý jónindegi jumysty uıymdastyrsyn jáne kadrlarmen jasaqtasyn», - dedi Asqar Mamın.


Joǵary qaraı