Aýa raıy
Astana -12 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Úkimet basshysy Qostanaı oblysyna keldi

2019 jyldyń 15 tamyz 2019 10:25

QOSTANAI. QazAqparat- QR Premer-Mınıstri Asqar Mamın Qostanaı oblysyna jumys saparymen keldi, dep habarlaıdy QazAqparat.

Úkimet basshysy Qostanaı aýdanynyń Zarechnyı kentindegi Severnyı shaǵyn aýdanyndaǵy turǵyn úı qurylysymen tanysty. Turǵyn úıler «Nurly jer» baǵdarlamasy aıasynda salynyp jatyr. Baspana qurylysymen «Arvıs», «Aqjan jáne biz», «Montajnık OA-k» JShS aınalysýda.

Jalpy, bul jańa yqsham aýdanda 279 jeke turǵyn úı bar. Injenerlik ınfraqurylym tartylǵan. 430 orynǵa shaqtalǵan memlekettik tilde bilim beretin orta mektep turǵyzyldy. Taıaý keleshekte bul aýdanda memlekettik-jekemenshik áriptestik aıasynda 320 oryndyq balabaqsha, sporttyq mekemeler, saýda nysandary jáne ákimshilik ǵımarattar paıda bolady.

A.Mamın Qostanaı qalasyndaǵy Indýstrııalyq aımaqta boldy. Taıaýda Qazaqstan men Reseıdiń úkimet basshylary birlesken jobalardy júzege asyrý jóninde birqatar kelisimge qol qoıǵany málim. Sonyń ishinde Qostanaıda «Kırovets» traktorlaryn shyǵarý bastamasy – irgeli jobalardyń biri. Aldaǵy qazan aıynda iske qosylýy tıis jańa jeli boıynda jylyna 500-den 700-ge deıin alyp traktor qurastyrylady.

A. Mamınge tanystyrylǵan Indýstrııalyq aımaqtaǵy ekinshi iri joba – «KamAZ» kóliginiń qural-jabdyqtaryn shyǵarý. Bul úsh kezeńnen turady. Alǵashqyda jetekshi beldemniń qozǵalys berilgishi, odan keıin tejegish qalyby, oryndyq, qajetti rezeńke, plastık buıymdary bizde óndiriletin bolady.

Úkimet basshysy sapar barysynda óńirdiń birqatar júıe quraýshy kásiporyndaryn, áleýmettik ınfraqurylym nysandaryn aralap, sondaı-aq aýyl sharýashylyǵy taýar óndirýshilerimen keńes ótkizedi.

Joǵary qaraı