Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Úkimet ekonomıkanyń kreatıvti sektoryn damytý tujyrymdamasyn ázirleıdi

2021 jyldyń 15 sáýir 2021 15:00

NUR-SULTAN. QazAqparat - Kreatıvti ındýstrııany damytý tujyrymdamasyn Úkimet ázirleıtin bolady.

Bul týraly Premer-Mınıstrdiń birinshi orynbasary Álıhan Smaıylovtyń tóraǵalyǵymen ótken Ekonomıkanyń kreatıvti sektoryn damytý jónindegi jumys tobynyń otyrysy kezinde belgili boldy, dep habarlaıdy QazAqparat Úkimettiń baspasóz qyzmetine silteme jasap.

Osy jylǵy 1 tamyzǵa deıin ázirleý josparlanǵan qujatta memlekettiń kreatıvti kásipkerlikti damytý, shyǵarmashylyq ónimderdi eksporttyq naryqqa shyǵarý, shyǵarmashylyq ındýstrııa úshin kadrlardy daıarlaý jáne qaıta daıarlaý, daryndy qazaqstandyqtardy qoldaý, zııatkerlik menshikti basqarý jáne ózge de sharalar kórinis tabatyn bolady.

Eske salaıyq, Memleket basshysy Qasym-Jomart Toqaev buǵan deıin Úkimetke kreatıvti ekonomıkany damytýdyń negizgi tásilderin ázirleýdi tapsyrǵan bolatyn, al 17 naýryzda Almaty qalasyn odan ári damytý máseleleri jónindegi keńeste ony normatıvtik-quqyqtyq retteýdi pysyqtaý qajettigi týraly aıtty.

Tujyrymdama halyqaralyq uıymdarmen, azamattyq qoǵammen, bıznes ókilderi jáne sarapshylarmen birlese otyryp jasalady.

Shyǵarmashylyq ındýstrııalardy damytý jónindegi jobalyq keńseniń jetekshisi Danat Jýmınniń aıtýynsha,kreatıvti ındýstrııa baǵytynda birqatar uıymdar birlese jumys isteýge nıet bildirip otyr. Olardyń arasynda ıÝNESKO men Brıtandyq keńestiń, sondaı-aq «Atameken» UKP, Qazaqstannyń shyǵarmashylyq kásipkerler qaýymdastyǵy, Túrkitildes elderdiń shyǵarmashylyq ındýstrııalary qaýymdastyǵy, Almaty qalasynyń shyǵarmashylyq ındýstrııa keńesi, Women in Creative Industries, Eýrazııalyq is-sharalar qaýymdastyǵy otandyq Juzz Entertainment (Ninety One, Alba, Dna) leıbly, Jaıdarman qazaq KVN lıgasy jáne taǵy basqalary bar. Sonymen qatar qujatty jazýǵa shyǵarmashylyq odaqtardy, óndiristik ortalyqtardy, tanymal sáýletshilerdi, sýretshilerdi, qolónershilerdi, mýzykanttardy jáne shyǵarmashylyq naryqtyń basqa qatysýshylaryn tartý josparlanyp otyr.

Brıtandyq keńestiń mádenıeti men kreatıvti ekonomıkasy boıynsha jobalardyń jetekshisi Galına Koretskaıa Úkimettiń shyǵarmashylyq sektordy damytýǵa degen kózqarasy osy saladaǵy halyqaralyq sarapshylardyń usynystaryna tolyq sáıkes keletindigin jáne qazaqstandyq tájirıbe tek qana Ortalyq Azııa elderi úshin ǵana emes, sonymen qatar basqa damýshy elder úshin de úlgi bola alatynyn atap ótti.

Óz kezeginde Shyǵarmashylyq kásipkerler qaýymdastyǵynyń basqarma tóraǵasy Ernar Qurmashev el Úkimetine shyǵarmashylyq ındýstrııalarǵa kóńil bólgeni úshin alǵys aıtty.

Onyń pikirinshe, búginde shyǵarmashylyq kásipkerlerge memleket tarapynan qoldaý burynǵydan da kóp qajet. Pandemııaǵa baılanysty shekteýlerdiń saldarynan ondaǵan shyǵarmashylyq bıznes qatty zardap shekti.

«Eger memleket bizge senip, shyǵarmashylyq adamdarǵa qoldaý kórsetetin bolsa, onda biz birneshe jyl ishinde osy saladaǵy ónimderdiń eksportyn kem degende 5 esege kóbeıtip, el ekonomıkasynyń damýyna zor úles qosa alamyz», — dedi E. Qurmashev.

Jumys tobynyń birinshi otyrysyn qorytyndylaı kele, Premer-Mınıstrdiń birinshi orynbasary Álıhan Smaıylov kreatıvti ekonomıkanyń damýy birqatar keń aýqymdy máselelerge áser etetindigin jáne tyńǵylyqty jumysty qajet etetindigin atap ótti jáne mınıstrlikter men ákimdikterge birqatar naqty tapsyrmalar berdi.


Basty sózder: Ekonomıka, QR Úkimeti,
Joǵary qaraı