Aýa raıy
Astana 6 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

Úkimet oqýshylarǵa paıdalaný úshin 500 myń kompıýter beredi

2020 jyldyń 4 tamyz 2020 10:10

NUR-SULTAN. QazAqparat – Premer-Mınıstr Asqar Mamın jańa oqý jylyna qatysty mınıstrlikterge tapsyrma júktedi, dep habarlaıdy QazAqparat tilshisi.

«Oqý jylynyń bastalýyna bir aıdan az ýaqyt qaldy. Daıyndyqty budan da jandandyrý kerek. Qashyqtan oqytýdyń metodologııasyn pysyqtap, balalar, ata-analar men muǵalimderdiń arasynda aýqymdy túsindirý jumystaryn júrgizý mańyzdy. Ol úshin 20 tamyzǵa deıin aldaǵy oqý úrdisi týraly tolyq aqparat bere otyryp, onlaın rejımde respýblıkalyq ata-analar jınalysyn uıymdastyrý kerek», - dedi A. Mamın Úkimet otyrysynda.

Onyń sózine qaraǵanda, Úkimet asa muqtaj otbasylardyń balalaryna paıdalaný úshin shamamen 500 myń kompıýterdi berýdi qamtamasyz etedi.

«Ákimdikter kompıýterlik tehnıkamen qamtamasyz etý máselesin jergilikti deńgeıde qosymsha pysyqtasyn», - dedi Úkimet basshysy.

Budan buryn habarlanǵandaı, mınıstr bastaýysh synyp oqýshylary úshin kezekshi synyptar ashylatynyn aıtty.

Sonymen qatar, jańa oqý jylynda kolledj stýdentteriniń bilim alý tártibin túsindirdi.


Joǵary qaraı