Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Úkimette Atyraý oblysyndaǵy qurylys jumystary qaraldy

2022 jyldyń 25 qańtar 2022 10:10

NUR-SULTAN. QazAqparat – Búgin Úkimet otyrysynda QR Ulttyq ekonomıka mınıstri Álibek Qýantyrov Atyraý oblysyn damytýdyń 2021-2025 jyldarǵa arnalǵan keshendi josparynyń negizgi jobalaryn atady, dep habarlaıdy QazAqparat tilshisi.

«Atyraý oblysyn damytýdyń ózektendirilgen keshendi jospary jalpy somasy 8,9 trln teńge bolatyn 185 is-sharadan turady, onyń ishinde respýblıkalyq bıýdjet – 535,8 mlrd teńge, jergilikti bıýdjet – 112,6 mlrd teńge, jeke ınvestıtsııalar – 8,3 trln teńge. Jospar aıasynda aýdany 400 gektar ındýstrııalyq aımaq qurý, tereftal qyshqylyn óndirý zaýytyn jáne kóterme-taratý ortalyǵyn salý kózdelgen», - dedi Á. Qýantyrov.

Onyń aıtýynsha, aýyl sharýashylyǵyn damytý boıynsha 6 jylyjaı, 5 mal bordaqylaý alańy, 3 qus fabrıkasy, balyq ósirýge arnalǵan 7 toǵan sharýashylyǵy, sút óńdeý tsehtary jáne basqalary salynady. Halyqtyń ómir súrý sapasyn arttyrý maqsatynda 10 aýylda 228,1 shaqyrym elektr jelisin salý, 640 shaqyrym avtojoldy jóndeý jáne qaıta jańartý, 13 eldi mekendi gazben ári sýmen qamtamasyz etý, 6 uńǵymany jáne «Taısoıǵan-Mııaly» magıstraldyq sý qubyryn salý, sondaı-aq taǵy basqa jobalar iske asyrylatyn bolady.

Sonymen qatar, densaýlyq saqtaý salasynda 2 emhana men psıhıkalyq densaýlyq ortalyǵyn, 9 alǵashqy medıtsınalyq-sanıtarlyq kómek nysanyn jáne ońaltý ortalyǵyn salý kózdelgen.

3 aýysymdy jáne apatty mektepterdi joıý jáne oqýshy oryndarynyń tapshylyǵyn azaıtý maqsatynda 48 mektep salynatyn bolady.

«Jospardy iske asyrý qorytyndylary boıynsha 2025 jylǵa qaraı ónerkásip kólemi 35%-ǵa artady, halyqty sýmen qamtý 100% qamtamasyz etiledi, jaqsy jáne qanaǵattanarlyq jaǵdaıdaǵy joldardyń úlesi 95%-ǵa deıin jetedi, 3,5 mln sharshy metr turǵyn úıdi paıdalanýǵa berý kútilýde», - dedi mınıstr.

Budan buryn habarlanǵandaı, búgin Úkimet otyrysynda elimizdiń batys óńirlerin keshendi damytýdyń josparlary tanystyryldy.


Joǵary qaraı