Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Úkimette ishki naryqty janar-jaǵarmaımen qamtý máselesi talqylandy

2022 jyldyń 3 mamyr 2022 20:02

NUR-SULTAN. QazAqparat – Úkimette ishki naryqqa munaı jetkizý jáne munaı ónimderin ótkizý shemalaryn qaıta qaraýdy kózdeıtin zańnamalyq ózgerister qaraldy, dep habarlaıdy QazAqparat primeminister.kz saıtyna silteme jasap.


Búgin Úkimet úıinde QR Premer-Mınıstri Álıhan Smaıylov janar-jaǵarmaı materıaldaryn (JJM) óndirý jáne bólý máseleleri jóninde keńes ótkizdi. Tıisti usynystardy Energetıka mınıstrligi QR Prezıdenti Qasym-Jomart Toqaevtyń JJM naryǵyn reformalaý jónindegi tapsyrmasyn oryndaý aıasynda ázirledi.

Baıandama jasaǵan energetıka mınıstri Bolat Aqsholaqov ishki naryqqa munaı jetkizý jáne munaı ónimderin ótkizý shemalaryn qaıta qaraýdy kózdeıtin zańnamalyq ózgerister engizýdi usyndy.





Máselen, mynadaı ózgeris qarastyrylǵan: qaıta óńdeý úshin munaıdy tikeleı jer qoınaýyn paıdalanýshylar, sondaı-aq olardyń enshiles marketıngilik qurylymdary jetkizip otyrady. Budan bólek, Munaı óńdeý zaýyttarynyń munaıdy satyp alýy, munaı ónimderin ótkizý salasynan ónimsiz deldaldardy shettetý usynylady.




Aýyl sharýashylyǵy taýaryn óndirýshilerdi arzandatylǵan dızel otynymen qamtamasyz etý máselesi de qaraldy. Máselen, osyndaı otyn kóleminiń maqsatty bólinýin baqylaý úshin aýmaqtyq bóliniste AShTÓ-niń derekter bazasyn qurý jáne otyn bólýdiń elektrondyq-aqparattyq júıesin engizý josparlanyp otyr. Sonymen qatar energetıka mınıstri elden janar-jaǵar maı aǵynyn shekteý boıynsha usynylǵan sharalardy atap ótti. Atap aıtqanda, avtokólikpen JJM shyǵarýǵa salynǵan tyıymdy uzartý jáne ruqsatsyz shyǵarýǵa jaýapkershilikti kúsheıtý máselesi qarastyrylyp jatyr.





Keńesti qorytyndylaı kele, Úkimet basshysy usynylǵan tásilderdi maquldap, Energetıka mınıstrligine olardy barlyq múddeli tarappen birge pysyqtaýdy tapsyrdy.


Joǵary qaraı