Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Úkimette quzyrly mınıstrlik ókilderimen birge sýǵa qatysty qalyptasqan jaǵdaı talqylandy

2022 jyldyń 21 mamyr 2022 13:50

NUR-SULTAN. QazAqparat - QR Premer-Mınıstri Álıhan Smaıylov Sý keńesiniń otyrysyn ótkizdi, dep habarlaıdy QazAqparat Úkimettiń baspasóz qyzmetine silteme jasap.

Onda bir memlekettik organǵa sýmen jabdyqtaý jáne sýmen qamtamasyz etý fýnktsııalaryn biriktirý máseleleri, sondaı-aq Syrdarııa ózeni basseınindegi sý sharýashylyǵy jaǵdaıy qaraldy.

Birinshi másele boıynsha baıandama jasaǵan ekologııa, geologııa jáne tabıǵı resýrstar mınıstri Serikqalı Brekeshev qazirgi tańda memlekettik sý saıasatyn iske asyrý túrli memlekettik organdardyń quzyrynda ekenin atap ótti.

Osylaısha, azamattardy jáne ekonomıka salalaryn sýmen qamtamasyz etýge, sondaı-aq sý resýrstaryn paıdalaný men qorǵaýǵa qatysty fýnktsııalar úsh mınıstrlikke — Ekologııa, geologııa jáne tabıǵı resýrstar, Aýyl sharýashylyǵy, Indýstrııa jáne ınfraqurylymdyq damý mınıstrlikterine júktelgen.

Memleket basshysynyń tapsyrmasyn oryndaý aıasynda Ekologııa, geologııa jáne tabıǵı resýrstar mınıstrligine sý resýrstaryn basqarýǵa, sý burýǵa, azamattar men ekonomıka salalaryn sýmen qamtamasyz etýge, sondaı-aq sý ekojúıelerin qoldaýǵa baılanysty negizgi fýnktsııalardy qosý usynylady.




QR Premer-Mınıstri usynylǵan tásilderge qatysty birqatar eskertý jasap, vedomstvoaralyq úılestirýdi kúsheıte otyryp (jekelegen baǵyttar boıynsha), olardy qosymsha pysyqtaýdy tapsyrdy.

Kún tártibindegi ekinshi máseleni talqylaý barysynda bıyl Syrdarııa ózeni basseıninde sý taıazdyǵy tsıkli jalǵasyp jatqany aıtyldy. Bul oraıda basseın elderi sý sharýashylyǵyndaǵy kúrdeli jaǵdaıdyń teris saldaryn boldyrmaý úshin kelisip áreket etýde.




Máselen, Toqtoǵul sý qoımasynda sýdyń jınalý jaǵdaıy turaqtandy. Qazaqstan men Ózbekstan «Bahrı Tochık» sý qoımasynyń qarqyndy vegetatsııalyq kezeńdegi jumys rejımin Tájikstanmen kelisip jatyr.

Bul sharalar Syrdarııa ózeniniń joǵarǵy jáne orta aǵysyndaǵy, sondaı-aq Túrkistan oblysynyń Jetisaı jáne Maqtaaral aýdandaryndaǵy fermerlerdi «Dostyq» kanaly arqyly maýsym-tamyz aılarynda shamamen 550 mln m3 kóleminde – ótken jylǵy deńgeıde sýarmaly sýmen qamtamasyz etýge múmkindik beredi.

Álıhan Smaıylov atalǵan jumysty baqylaýda ustap, Qazaqstannyń memleketaralyq yntymaqtastyq aıasyndaǵy mindettemelerin oryndaý formatyn naqtylaýdy tapsyrdy.





Joǵary qaraı