Aýa raıy
Astana -18 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Úkimette zeınet jasyn tómendetý qarastyrylyp jatqan joq – Eńbek mınıstri

2020 jyldyń 9 qazan 2020 17:53

NUR-SULTAN. QazAqparat – Qazaqstan Úkimeti zeınet jasyn tómendetý máselesi qarastyrylyp jatqan joq. Bul týraly QR Eńbek jáne halyqty áleýmettik qorǵaý mınıstri Birjan Nurymbetov málim etti, dep habarlaıdy QazAqparat tilshisi.

Ortalyq kommýnıkatsııalar qyzmetindegi baspasóz máslıhatynda jaqynda depýtattar zeınet jasyn tómendetý týraly usynys jasaǵany, jalpy zeınetkerlikke shyǵý jasynda qandaı krıterııler eskerilgeni suraldy.

«Zeınet jasyn tómendetý týraly usynystar kelip jatyr. Jalpy, zeınet jasyn ulǵaıtý men tómendetý máselesi bir mezette sheshilmeıdi. Kez kelgen elde, álemde bul máselege qatysty sheshim qabyldanǵanda – ol úlken zertteýlerge, uzaq merzimdi boljamdarǵa súıenip jasalady. Bul turǵyda ekonomıkalyq, demografııalyq faktorlar eskeriledi. Jumys istep júrgen azamattar men zeınetkerlerdiń sanynyń arasyndaǵy araqatynas mólsheri, halyqtyń qartaıý qarqyny, sondaı-aq basqa da kórsetkishter eskeriledi», - dedi mınıstr.

Osy oraıda ol elimizde zeınetaqynyń úsh júıesi qalyptasqanyn eske saldy. Memleket tarapynan eki túri tólenedi, ıaǵnı jasyna baılanysty zeınetaqy men bazalalyq zeınetqy bar. Sonymen qatar jınaqtaýshy qordan jınalǵan qarjy esebinen zeınetaqy qamtylǵan.

«Kez kelgen zeınetaqynyń túri eńbek ótiline tikeleı baılanysty. ıAǵnı neǵurlym eńbek ótili joǵary bolsa, soǵurlym zeınetaqynyń mólsheri de joǵary. Bul turǵyda ekonomıkalyq ta, eńbek naryǵynyń máselesin eskerý qajet. Jumys istep júrgen azamattar men zeınetkerlerdiń arasyndaǵy araqatynas mólsherine mán beriledi. Osydan 10 jyl buryn zeınetkerlerimsizdiń sany jumys istep júrgenderge qatysty 20 paıyz bolsa, qazir 30 paıyzdan asyp jatyr. Ekinshiden, 65 jastan asqan aǵa býyn sany kóbeıip jatyr. Álemdegi trendterdi eskere otyryp, búkil dúnıejúzindegi elder qaıta zeınet jasyn ulǵaıtýǵa baryp jatyr. Árıne, Eýropada jáne basqa da damyǵan elderde zeınet jasy bizdikinen buryn da joǵary edi. Reseıde 2019 jyldan bastap erler men áıelderge zeınet jasyn ulǵaıtý sharalary iske asyryldy», - dedi B. Nurymbetov.

«Álemdik tájirıbeni de eskerip, ózimizdiń ekonomıkalyq, demografııalyq jaǵdaıǵa súıene otyryp, qazirgi kezde Úkimettiń tarapynan zeınet jasyn tómendetý máselesi qarastyrylyp jatqan joq», - dedi vedomstvo basshysy.


Joǵary qaraı