Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Úkimettik emes uıym ókilderin oqytý kýrsyna ótinim qabyldaý jalǵasady

2021 jyldyń 25 maýsym 2021 17:33

NUR-SULTAN. QazAqparat – Úkimettik emes uıym ókilderiniń quzyretin arttyrýǵa baǵyttalǵan oqytý kýrsynyń ekinshi jáne úshinshi kezeńderi shilde men tamyzda jalǵasady, dep habarlaıdy QazAqparat tilshisi.

Keıingi jyldary Qazaqstanda úkimettik emes uıymdardyń quzyret deńgeıin arttyrýǵa kóńil bólinip keledi. Osy arqyly memleket áleýmettik saladaǵy óz fýnktsııalarynyń bir bóligin osy uıymdarǵa berýge yntaly. 2020 jyly ÚEU akademııasy qurylyp, bıyl maýsym aıynyń basynda úkimettik emes uıymdar ókilderine arnalǵan áleýmettik kásipkerlik onlaın-mektebi iske qosylǵan bolatyn. Mektep qazaq jáne orys tilderinde bilim beredi. Qazir birinshi kezeń tyńdaýshylary quzyretterin arttyryp jatyr. Al ekinshi jáne úshinshi kezeń óz jumysyn shilde men tamyz aılarynda bastaıdy. Olarǵa qabyldaý áli de júrgizilýde.

Azamattyq bastamalardy qoldaý ortalyǵynyń basqarma tóraǵasy Lıma Dıastyń aıtýynsha, 2021 jyly ÚEU akademııasy eń qajetti pánderge nazar aýdaratyn biregeı bilim berý baǵdarlamasyn jasap shyǵarǵan.

«15 maýsym kúni ÚEU-na arnalǵan bilim berý baǵdarlamasy bastaldy. Onda 8 modýl qarastyrylǵan. Olardyń árqaısysynda 5 trenıng bar.

Oqytý taqyryptarynyń aýqymy óte keń. Oǵan marketıng jáne PR, fandraızıng, jobalardy basqarý, aqparattyq tehnologııalar, áleýmettik jobalaý jáne taǵy basqalar kiredi. Oqýdyń qanshalyqty tıimdi bolǵanyn túsiný úshin oqý basynda jáne sońynda ólshemder júrgiziledi. Biz qyzmet salasyn muqııat zerttep, saýalnama júrgizdik. Oǵan qatysqandardyń 84%-y tegin oqýǵa nıet bildirdi. Sonymen qatar, biz oqý baǵdarlamasyna tek paıdaly bolatyn pánderdi en

Jyl sońyna deıin akademııada úkimettik emes uıymdardyń 800 ókili quzyretin arttyrady. Oqýdyń ekinshi legi 28 maýsymda (qazaq tilinde), úshinshisi 19 shildede (orys tilinde) bastalady. Jalpy, jobanyń barlyq kezeńinde 160 úkimettik emes uıymnyń ókilderin oqytý josparlanǵan.

Azamattyq bastamalar ortalyǵynyń baspasóz qyzmetiniń habarlaýynsha, ÚEU akademııasyna kelesi siltemeler boıynsha google-ótinimderdi toltyrý arqyly kirýge bolady:

Áleýmettik kásipkerlik mektebi:

https://docs.google.com/forms/d/1Rtmero4jzkYThTQm_-T8bs7-R7yrOscw3Byrj2a0D68/edit

Jalpy bilim berý komponenti:

https://docs.google.com/forms/d/e/1FAIpQLSfD2kpG_wfDZwcUPao1tqqyAvZpLml0pInyaZ9IP14tOimY6g/viewform


Joǵary qaraı