Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Úkimettiń Ekibastuzdy damytý jospary turǵyndarǵa ne beredi

2021 jyldyń 21 qyrkúıek 2021 11:37

NUR-SULTAN. QazAqparat – Úkimet otyrysynda Pavlodar oblysynyń ákimi Ábilqaıyr Sqaqov Ekibastuz qalasyn damytýdyń keshendi josparynan kútiletin áleýmettik áserlerdi atady, dep habarlaıdy QazAqparat tilshisi.

«Ekibastuzdyń keshendi damýy – bul jańa óndirister ǵana emes. Joǵaryda atap ótkendeı, áleýmettik salada birqatar mańyzdy máseleler bar. Olardy óńir qarajaty esebinen sheshý josparlanǵan.

Densaýlyq saqtaý salasy boıynsha kadrlyq áleýetti arttyrý jáne qalalyq emhanany jańǵyrtý arqyly materıaldyq-tehnıkalyq bazany jaqsartý josparda.

Bilim berý salasynda barlyq 20 mektepke kúrdeli jóndeý jasalyp, balabaqshalar qaıta jańartylady. Sondaı-aq, 700-den astam balany qamtıtyn shyǵarmashylyq ortalyqtyń qurylysy kútilýde», - dedi óńir basshysy.

Ákimniń sózinshe, keshendi jospardy júzege asyrýdan mynadaı nátıjeler kútilip otyr:

• negizgi kapıtalǵa salynatyn ınvestıtsııalar 737 mlrd. teńgeni quraıdy;

• ónerkásip óndirisiniń kólemi – 1 trln. teńgeden astam deńgeıde;

• memlekettik qoldaý sharalary arqyly shaǵyn jáne orta bıznes sýbektileriniń sany 10 myńǵa deıin jetedi;

• 16,5 myń jumys orny qurylady, onyń ishinde turaqty – 14 myń;

• orta aılyq eńbekaqy – 321 myń teńgege deıin ósedi;

• qala ekonomıkasynyń otyn energetıka keshenine táýeldiligin 12,1%-ǵa tómendetý


Avtor Esimjan Naqtybaı
Basty sózder: QR Úkimeti, Pavlodar oblysy,
Joǵary qaraı