Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

UQK Shekara qyzmeti terrorısterge qarsy operatsııa kezinde 366 adamdy ustady

2022 jyldyń 11 qańtar 2022 10:45

NUR-SULTAN. QazAqparat - Shekara qyzmetiniń aýmaqtyq bólimsheleri terrorızmge qarsy operatsııalar bastalǵaly derbes, sondaı-aq quqyq qorǵaý organdarymen birlesken toptar quramynda qoǵamǵa qarsy aktsııalarǵa qatysý kúdigi boıynsha 366 adamdy quryqtady.

Olardyń altaýy qarsylyq kórsetý kezinde jaraqat aldy, dep habarlaıdy QazAqparat QR Ulttyq qaýipsizdik komıtetiniń baspasóz qyzmetine silteme jasap.

Qylmyskerlerdi qolǵa túsirý kezinde: 30 birlik qarý (tegis uńǵyly - 22, karabın - 3, tapansha - 5), 245 birlik oq-dári, 2 birlik sýyq qarý; 8 radıostantsııa, 4 bronejılet tárkilendi.

Ustalǵandardan 200-den astam uıaly telefon, sandyq tehnıka (planshetter, noýtbýkter), halyq tutynatyn taýarlar (15 qorap parfıýmerııa, 267 shólmek spırttik ishimdikter) jáne qomaqty qarjy somasy tárkilendi.

Sondaı-aq, kúdiktiler tizgindegen 29 avtokólik, dinı ádebıetter men zańsyz mıtıngterdi uıymdastyrý tártibi boıynsha ádistemelik quraldar alyndy.

«Shekara qyzmetiniń bólimsheleri turaqty jaýyngerlik ázirlikte, shekara kúzeti kúsheıtilgen rejımde júzege asyrylýda»,-delingen habarlamada.


Joǵary qaraı