Aýa raıy
Astana -3 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Ýkraına azamaty aqmolalyq polıtseılerge alǵys aıtty

2020 jyldyń 25 qarasha 2020 11:15

KÓKShETAÝ. QazAqparat – Ýkraına azamaty isten shyqqan kóligin jóndeýge kómektesken aqmolalyq polıtseılerge rızashylyǵyn bildirdi, dep habarlaıdy QazAqparat tilshisi.

Aqmola oblystyq polıtsııa departamenti baspasóz qyzmetiniń málimetinshe, bıylǵy 18 qarasha kúni túnde «Nur-Sultan – Ereımentaý – Shiderti» avtojolynyń 58-shaqyrymynda fýrgonda elektr qurylǵysy isten shyqqan.

Osynyń saldarynan kólik jaryqsyz qalyp, júrgizýshi toqtaýǵa májbúr bolǵan.

Azyq-túlik tıelgen kólik Nur-Sultan qalasynan Pavlodarǵa júrip bara jatqan.

Birneshe saǵat qańtarylyp joldyń shetinde turǵan kólikti Aqmola oblystyq PD jol-patrýl polıtsııa rotasynyń ınspektorlary, polıtsııa leıtenanty Torǵaev Batyr-Baıan men polıtsııa leıtenanty Turar Nurǵazy kórip, kómekke kelgen.

Tártip saqshylary qatty tońyp, jaýraǵan kólik júrgizýshisin qyzmettik avtokólikte jylyndyryp, tamaqtandyrǵan. Artynsha kóligin jóneýdege kómektesip, tańerteń jolǵa shyǵaryp saldy.

Kólik júrgizýshisi Ýkraına eliniń azamaty Anatolıı Dorash Qazaqstan Respýblıkasynyń polıtsııa qyzmetkerlerine beıneúndeý joldap, alǵys aıtty.

Onda ýkraınalyq júrgizýshi Aqmola tártip saqshylarynyń adamgershiligin erekshe atap ótti.



Joǵary qaraı