Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

UQShU otyrysynda óńirlik qaýipsizdik máseleleri talqylandy

2021 jyldyń 15 qyrkúıek 2021 15:45

DÝShANBE. QazAqparat - Qazaqstan qorǵanys vedomstvosynyń basshysy general-leıtenant Murat Bektanov Dýshanbe qalasynda ótken Ujymdyq qaýipsizdik týraly shart uıymy Syrtqy ister mınıstrleri keńesiniń, Qorǵanys mınıstrleri keńesiniń jáne Qaýipsizdik keńesi hatshylary komıtetiniń birlesken otyrysyna qatysty. Bul týraly QazAqparat Qorǵanys mınıstrliginiń baspasóz qyzmetine silteme jasap habarlaıdy.

Oǵan qatysýshylar uıym qyzmetiniń basym baǵyttaryn, ujymdyq qaýipsizdikke kiretin óńirlerde qalyptasyp jatqan áskerı-saıası ahýaldy talqylady.

Birlesken jaýyngerlik daıarlyq sharalarynyń mańyzy erekshe ataldy.

Elimizdiń Qarýly Kúshterinde 2022 jylǵa jedel den qoıý ujymdyq kúshteriniń birlesken oqý-jattyǵýlaryn uıymdastyrý jáne olardy ótkizý jóninde jumys bastaldy. Bul rette jaýyngerlik is-qımyldardy júrgizýdiń jańa ádisteri men tásilderi pysyqtalmaq. Sońǵy kezdegi qarýly qaqtyǵystar tájirıbesinen alynǵan sabaqtar oqý-jattyǵý stsenarıılerinde eskerilýi tıis.

Birlesken otyrystyń qorytyndysynda mınıstrler uıymnyń qyzmetine qatysty birqatar qujattarǵa qol qoıdy.


Joǵary qaraı