Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ulttyq bank azyq-túlik baǵasyn baqylamaı, erkine jibergen óńirlerdi atady

2021 jyldyń 11 qarasha 2021 19:08

NUR-SULTAN. QazAqparat – Ulttyq bank azyq-túlik baǵasy óreskel qymbattaǵan óńirlerdi atady, dep habarlaıdy QazAqparat tilshisi.

«Jalpy el boıynsha azyq-túlik baǵasy bir aıda 0,7% ósti. Ásirese Shyǵys Qazaqstan (1,2%), Pavlodar jáne Soltústik Qazaqstan (1,1%) oblystarynda qymbatshylyqtyń qarqyny qatty. Jemis pen kókenis baǵasy1,5% qymbattaǵan. Ásirese qyryqqabattyń baǵasy Almaty qalasynda 17,7% artty. Al jumyrtqanyń baǵasy Almatydan basqa óńirlerdiń bárinde kóterildi. Eń joǵarǵy ósim Atyraý oblysynda tirkeldi (30,2%)», - dep jazylǵan Ulttyq banktiń ınflıatsııa týraly saraptamasynda.

Resmı málimette, azyq-túlik taýaryn aýyzdyqsyz jibergen Shyǵys Qazaqstan oblysyndaǵy ahýal jeke taldanǵan.

«Óńirde joǵarǵy surypty bıdaı unynan pisirilgen nan 6,2%, qaraqumyq jarmasy 3,3%, jemis pen kókenis 3,4% qymbattady. Bul taýarlardyń respýblıkalyq ortasha baǵasy 0,9%, 0,5% jáne 1,5% kóterilgen», - dep jazady Ulttyq bank mamandary. .

Shyǵys Qazaqstannan keingi orynda turǵan Pavlodar oblysynda 1-surypty bıdaı unynan pisirilgen nan 5,1%, qara bıdaı nany 2,9% qymbattaǵan.

Al Soltústik Qazaqstan jáne Aqtóbe oblystarynda et pen et ónimderi 2 jáne 1,3% qymbattaǵan.

«Aqtóbe oblysynda qus eti bir aıda 8,6% qymbattady. Soltústik Qazaqstan oblysynda jylqy eti 2,9%, al qoı eti 3,8% qymbattady. Al respýblıka boıynsha bul ónimderdiń baǵasy 0,3 jáne 0,4% ǵana kóterilgen», - delingen Ulttyq bank taldaýynda.


Joǵary qaraı