Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ulttyq bank BATYR BEINESI kollektsııalyq monetalaryn aınalymǵa shyǵarady

2022 jyldyń 18 mamyr 2022 10:16

NUR-SULTAN. QazAqparat - 2022 jylǵy 18 mamyrda Qazaqstan Ulttyq banki (budan ári – QUB) Street art. BATYR BEINESI kollektsııalyq monetalaryn aınalymǵa shyǵarady, dep habarlaıdy QazAqparat Ulttyq banktiń baspasóz qyzmetine silteme jasap.

Monetalardyń satylymǵa shyǵatyn kúnine qatysty qosymsha aqparat banktiń resmı saıtynda jarııalanady.

Street art. BATYR BEINESI kollektsııalyq monetalary týraly

18 mamyrda daryndy kompozıtor jáne ánshi Batyrhan Shúkenovtiń týǵanyna 60 jyl tolady. Nomınaly 500 teńgelik kúmisten jasalǵan Street art. BATYR BEINESI kollektsııalyq monetalary «Qazaqstandy monetalar arqyly tany» atty jańa serııany ashady.

Street art. BATYR BEINESI jańa monetasy zamanaýı óner men Batyrhan Shúkenovti máńgi este qaldyrý sekildi birden eki maǵynalyq jelini biriktiredi. Bul – Qazaqstan Ulttyq bankiniń strıt-art sııaqty qazirgi zamanǵy jastar ónerin qoldaýǵa arnalǵan alǵashqy kollaboratsııalyq moneta jobasy.

Monetanyń dızaınynda Qazaqstan strıt-artynyń eń jarqyn jumystarynyń biri — REPAS komandasynyń «Batyr beınesi» graffıtıi beınelengen. Avtorlardyń bastamasy boıynsha ony monetanyń dızaınynda paıdalaný quqyǵy Ulttyq bankke óteýsiz negizde berildi.

Monetalar proof sapamen kúmisten jasalǵan, synamasy – 925/1000, salmaǵy – 31,1 gramm, dıametri – 38,61 mm, nomınaly – 500 teńgelik, taralymy – 5 000 dana.

Kollektsııalyq monetalar naqty qunyna saı Qazaqstan Respýblıkasynyń búkil aýmaǵynda tólemderdiń barlyq túri boıynsha qabyldaýǵa, sondaı-aq Qazaqstan Respýblıkasynyń bank shottarynda aýdarýǵa, usaqtaýǵa jáne aıyrbastaýǵa jatady.

Kúmisten jasalǵan monetalar kádesyı oramynda memlekettik tilde, orys jáne aǵylshyn tilderinde QUB-tyń nómirlik sapa sertıfıkatymen shyǵarylady.

Kollektsııalyq monetalar Qazaqstan teńge saraıynda daıyndalǵan.


Basty sózder: Bankter, QR Ulttyq banki,
Joǵary qaraı