Aýa raıy
Astana 6 °S
Almaty 11 °S
valıýta baǵamy
USD 421.58
EUR 496.83
RUB 5.53
CNY 62.20

Ulttyq bank teńge baǵamyndaǵy ahýalǵa qatysty túsinik berdi

2020 jyldyń 28 qyrkúıek 2020 12:42

NUR-SULTAN. QazAqparat – Teńgeniń AQSh dollaryna shaqqandaǵy baǵamy 28 qyrkúıekte saýda-sattyqtyń ashylýynda 0,38%-ǵa álsirep, 428,20 teńgeni qurady. QR Ulttyq banki teńge baǵamyndaǵy ahýalǵa qatysty pikir bildirdi, dep habarlaıdy QazAqparat.

«Jahandyq naryqtardaǵy dollardyń nyǵaıýyna baılanysty búgin biz ulttyq valıýtanyń birshama álsireýin baıqap jatyrmyz. AQSh dollarynyń ındeksi koronavırýstyń ekinshi ret qaıtalanýyna baılanysty qaýiptiń kúsheıýi aıasynda, sondaı-aq AQSh-ta aldaǵy ýaqytta bolatyn Prezıdet saılaýyna baılanysty negizgi álemdik valıýtalar qorjynyna qarsy nyǵaıyp, eki aıdaǵy sharyqtaý shegine jetti. HVQ ókilderiniń aıtýynsha, koronavırýs pandemııasyna baılanysty daǵdarys uzaǵyraq jalǵasady jáne keıbir elderdiń ekonomıkasyndaǵy ósimge qaıta oralý úshin jyldar qajet bolady. Eýropada koronavırýstyń ekinshi ret qaıtalanýy týraly úreılený jáne shekteý sharalaryn engizý de dollarǵa qoldaý kórsetedi», - dedi Ulttyq banktiń monetarlyq operatsııalar departamentiniń dırektory Nurjan Tursynhanov.

Departament dırektorynyń aıtýynsha, dollar ındeksiniń ósýi munaı baǵasynyń tómendeýine sebep boldy.

«Beısenbi jáne juma kúnderi saýda-sattyqta munaı baǵasyn belgileý álsiz qalpyna kelýine qaramastan, qara altyn baǵasynyń aptalyq úrdisi teris aımaqta – mınýs 2,9% bolyp qalyp otyr. Sonymen qatar, munaıǵa suranystyń ósý perspektıvasy COVID-19 jaǵdaılarynyń jańa ósýi jáne birqatar elderde shekteý sharalaryn engizý aıasynda kúmándi bolyp qalýda», - dep tolyqtyrdy ol.
Avtor Rýslan Ǵabbasov
Basty sózder: QR Ulttyq banki, Ekonomıka,
Joǵary qaraı